കൊല്ലo : ആറു വയസ്സുകാരനെ ലൈംഗിക പീഡനത്തിന് ഇരയാക്കിയ സംഭവത്തില് പ്രതിക്ക് എസ് സി-എസ്ടി നിയമപ്രകാരം ജീവപര്യന്തം ശിക്ഷയും 50,000 രൂപ പിഴയും പോക്സോ നിയമപ്രകാരം 20 വര്ഷവും 50,000 രൂപ പിഴയും ശിക്ഷ. പെരുമ്പുഴ തുമ്പോട് അര്യ ഭവനില് ജയപ്രസാദി (57) നെയാണ് കൊല്ലം പോക്സോ കോടതിയാണ് ശിക്ഷ വിധിച്ചത്. 2018 ലാണ് കേസില് ആസ്പതമായ സംഭവം നടക്കുന്നത് പാല് വാങ്ങുന്നതിനായി അടുത്തുള്ള വീട്ടില് എത്തിയ കുട്ടിയെ ഇയാള് ലൈംഗിക പീഡനത്തിന് ഇരയാക്കുകയായിരുന്നു.
ഡിവൈഎസ്പിമാരായ ജേക്കപ്പ്, അനില്കുമാര് എന്നിവരുടെ നേതൃത്വത്തില് കുണ്ടറ സ്റ്റേഷനിലെ എസ് ഐ നൗഫലാണ് കേസില് പ്രാഥമിക അന്വേഷണം നടത്തിയത്. കേസില് പ്രോസിക്യൂഷനു വേണ്ടി സ്പെഷ്യല് പബ്ലിക് പ്രോസിക്യൂട്ടര് (പോക്സോ) അഡ്വ. സോജാ തുളസീധരന് , അഡീഷണല് ഗവണ്മെന്റ് പ്ലീഡര് സിസിന് ജി മുണ്ടയ്ക്കല് എന്നിവരാണ് ഹാജരായത്.
