കണ്ണൂര് : ഹിജാബ് വിഷയവുമായി ബന്ധപ്പെട്ട കര്ണാടക ഹൈക്കോടതിയുടെ വിധി സ്വാഗതം ചെയ്യുന്നുവെന്ന് ബിജെപി. ദേശീയ നിര്വാഹക സമിതി അംഗം പി.കെ. കൃഷ്ണദാസ് കണ്ണൂരില് മാധ്യമ പ്രവര്ത്തകരോട് പറഞ്ഞു വര്ഗ്ഗീയ വിഷയങ്ങള് ഉയര്ത്തി കൊണ്ടുവന്ന് രാജ്യത്ത് കലാപം സൃഷ്ടിക്കാനുള്ള ചിലരുടെ ശ്രമമാണ് ഇല്ലാതായത്.
ഈ വിഷയത്തില് മുഖ്യമന്ത്രിയും പ്രതിപക്ഷ നേതാവും നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടു. കേരളത്തിലെ വിദ്യാലയങ്ങളില് ഏകീകൃത യൂണിഫോം നടപ്പാക്കണമെന്നും അദ്ദേഹം പറഞ്ഞു. ജനങ്ങളെ മതത്തിന്റെ അടിസ്ഥാനത്തില് ജനങ്ങളെ ഭിന്നിപ്പിക്കാനുള്ള സിപിഐ എമ്മിനും കോണ്ഗ്രസിനുമേറ്റ തിരിച്ചടിയാണ് കര്ണ്ണാടക ഹൈക്കോടതി വിധിയെന്നും അദ്ദേഹം പറഞ്ഞു.
