മംഗളൂരു: ചിക്കന്കറിയെ ചൊല്ലിയുണ്ടായ തര്ക്കത്തെത്തുടര്ന്ന് പിതാവ് മകനെ അടിച്ചു കൊന്നു. മംഗളൂരുവിനടുത്ത സുള്ള്യയിലാണ് യുവാവിനെ പിതാവ് അടിച്ച് കൊന്നത്. സുള്ള്യ ഗുത്തിഗര് ഗ്രാമത്തിലെ മൊഗ്രയെരന്നഗുഡെ സ്വദേശി ശിവറാം (32) ആണ് കൊല്ലപ്പെട്ടത്. പിതാവ് ഷീനയാണ് മരത്തടി കൊണ്ട് ശിവറാമിന്റെ തലയ്ക്കടിച്ച് കെലപ്പെടുത്തിയത്. ഷീനയെ പോലീസ് അറസ്റ്റ് ചെയ്തു.
ശിവറാം വീട്ടില് വന്നപ്പോള് രാവിലെ പാകം ചെയ്ത ചിക്കന് കറി മുഴുവനും തീര്ന്നിരുന്നു. ഇതേ തുടര്ന്ന് ശിവറാമും പിതാവും തമ്മില് വാക്കുതര്ക്കമുണ്ടായി. ഇതിനിടെ പിതാവ് ഷീന മരത്തടി കൊണ്ട് ശിവറാമിന്റെ തലയ്ക്കടിച്ചു. അടിയേറ്റ് കുഴഞ്ഞുവീണ ശിവറാം സംഭവസ്ഥലത്തുതന്നെ മരിക്കുകയായിരുന്നു. വിവരമറിഞ്ഞ് സുബ്രഹ്മണ്യ പോലീസ് സ്ഥലത്തെത്തി ഷീനയെ അറസ്റ്റ് ചെയ്തു.
