പത്തനംതിട്ട : ജില്ലയില് മാന് മിസിംഗ് കേസുകള് വര്ദ്ധിക്കുകയാണ്. വിദ്യാഭ്യാസ സ്ഥാപനങ്ങളിലേക്കും തൊഴിലിടങ്ങളിലേക്കുമുള്ള യാത്രയ്ക്കിടയിലും സ്വന്തം വീടുകളില് നിന്നുപോലും പലരും കാണാതായവരുടെ പട്ടികയിലേക്ക് കടക്കുന്നുണ്ട്. നിരവധി കേസുകളാണ് ജില്ലയില് ദിവസംതോറും റിപ്പോര്ട്ട് ചെയ്യുന്നത്. പെണ്കുട്ടികളും സ്ത്രീകളുമാണ് കാണാതാകുന്നതില് കൂടുതലും. ആണ്കുട്ടികളും കാണാതാകുന്നവരിലുണ്ട്. വീട്ടില് നിന്ന് വഴക്കിട്ട് ഇറങ്ങുന്നവരാണ് ഇതില് അധികവും. ഒരുമാസം മുപ്പത് മുതല് നാല്പ്പത്താറ് പേരെ വരെ ജില്ലയില് നിന്ന് കാണാതായിട്ടുണ്ട്. ഇതില് തിരിച്ച് വരാത്തവരും കണ്ടെത്താന് കഴിയാത്തവരുമുണ്ട്.
