കോയമ്പത്തൂര്; തമിഴ്നാട്ടിലെ കോയമ്പത്തൂരില് വ്യാഴാഴ്ച കോടതി വളപ്പിനുള്ളില് ഭര്ത്താവ് ഭാര്യയുടെ മേല് ആസിഡ് ഒഴിച്ചു. ഭര്ത്താവിനെതിരെ യുവതി നല്കിയ കേസ് കോടതി പരിഗണിക്കാനിരിക്കെയാണ് ആസിഡ് ആക്രമണം ഉണ്ടായത്. കോയമ്പത്തൂരിലെ ജില്ലാ കോടതി വളപ്പിലാണ് ഭാര്യയ്ക്കുനേരെ യുവാവിന്റെ ആസിഡ് ആക്രമണം. യുവതിക്കൊപ്പം രണ്ടു അഭിഭാഷകര്ക്കുകൂടി പരുക്കേറ്റു. ഭര്ത്താവ് ശിവകുമാറിനെ ഒരു സംഘം അഭിഭാഷകര് പിടിച്ചുകെട്ടി പോലീസില് ഏല്പ്പിക്കുകയായിരുന്നു.
ശിവകുമാറിന്റെ ഭാര്യ കവിതയെയും പരുക്കേറ്റവരെയും ആശുപത്രിയില് പ്രവേശിപ്പിച്ചു. ആക്രമണത്തിന്റെ കാരണം എന്തെന്ന് ആദ്യഘട്ടത്തില് വെളിപ്പെട്ടിട്ടില്ല. പോലീസ് അന്വേഷണം നടത്തുകയാണ്. ഭാര്യയ്ക്കെതിരെ ആസിഡ് ആക്രമണത്തിന് ശിവകുമാറിനെതിരെ കേസെടുത്തു. വെള്ളക്കുപ്പിയിലാക്കിയാണ് ശിവകുമാര് ആസിഡ് കോടതിയിലേക്ക് കൊണ്ട് വന്നത്.
