തിരുവനന്തപുരം: കേരളത്തിലെ വനം വകുപ്പ് ഏറ്റവും മോശം വനം വകുപ്പെന്ന മുന് കേന്ദ്രമന്ത്രിയും പരിസ്ഥിതി പ്രവര്ത്തകയുമായ മനേകാ ഗാന്ധിയുടെ
പരാമര്ശം അപകീര്ത്തികരമെന്ന് വനം മന്ത്രി ഏകെ ശശീന്ദ്രന്. വന്യമൃഗങ്ങളുടെ സംരക്ഷണത്തില് കേരളം ഏറെ മുന്നിലാണ്. കേരളത്തിന്റെ വന, മൃഗ സംരക്ഷണം അറിയാന് മനേകാ ഗാന്ധിയെ സംസ്ഥാനത്തേക്ക് സ്വാഗതം ചെയ്യുന്നു എന്നും മന്ത്രി കത്തില് പറയുന്നു. വെള്ളനാട് കരടി കിണറ്റില് വീണ സംഭവം ഒറ്റപ്പെട്ടതാണെന്നും മന്ത്രി പറഞ്ഞു.
തിരുവനന്തപുരം വെള്ളനാട് കിണറ്റില് വീണ കരടി മുങ്ങിച്ചത്ത സംഭവത്തില് കേരളാ വനംവകുപ്പിനെതിരെ രൂക്ഷ വിമര്ശനവുമായി മനേകാ ഗാന്ധി രംഗത്തെത്തിയിരുന്നു. അത്യപൂര്വ്വ ഇനത്തില് പെട്ട കരടിയാണ് മരിച്ചത്. കരടിയെ വെടിവച്ച ഉദ്യോഗസ്ഥനെ അറസ്റ്റുചെയ്യണം. ഇതിന് ഉത്തരവാദികളായ മറ്റു ഉദ്യോഗസ്ഥര്ക്കെതിരെ നടപടി വേണമെന്നും അവര് പറഞ്ഞിരുന്നു.
