കോട്ടയം: മണിപ്പൂരില് ശാശ്വത സമാധാനത്തിന് കേന്ദ്ര സര്ക്കാര് എത്രയും വേഗം നടപടി സ്വീകരിക്കണമെന്ന് മന്ത്രി റോഷി അഗസ്റ്റിന്. കേരളാ കോണ്ഗ്രസ് (എം)കോട്ടയം നിയോജക മണ്ഡലം കമ്മിറ്റി യോഗം ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. മണിപ്പൂര് സന്ദര്ശിച്ച പാര്ട്ടി ചെയര്മാന് ജോസ് കെ. മാണിയില് നിന്നും തോമസ് ചാഴികാടന് എംപിയില് നിന്നും അവിടുത്തെ ജനങ്ങള് അനുഭവിക്കുന്ന യാതനകളെക്കുറിച്ച് അറിയാന് സാധിച്ചു. ക്രൈസ്തവ വിഭാഗങ്ങള് ഉള്പ്പെടെയുള്ളവര് ആക്രമണത്തിന് ഇരയാകുകയാണ്. നിരവധി ക്രൈസ്തവ ദേവാലയങ്ങള് ഉള്പ്പെടെയുള്ള ആരാധനാലയങ്ങള് നശിപ്പിക്കപ്പെട്ടു. ഒരു ജനാധിപത്യ രാജ്യത്ത് സംഭവിക്കാന് പാടില്ലാത്ത തരത്തിലുള്ള അതിക്രമങ്ങളാണ് മണിപ്പൂരില് നടക്കുന്നതെന്നും മന്ത്രി ചൂണ്ടിക്കാട്ടി.
നിയോജക മണ്ഡലം പ്രസിഡണ്ട് ജോജി കുറത്തിയാടന് അധ്യക്ഷത വഹിച്ചു. പാര്ട്ടി ഹൈപവര് കമ്മിറ്റി അംഗം വിജി എം തോമസ്, ജോസ് പള്ളിക്കുന്നേല്, ഐസക് പ്ലാപ്പളില്, രാജു ആലപ്പാട്ട്, ബാബു മണിമലപ്പറമ്പില്, രാഹുല് രഘുനാഥ്, തങ്കച്ചന്വാലയില്, സുനില് പി വര്ഗ്ഗീസ്, കുഞ്ഞുമോന് പി സി, ജോര്ജ് ജേക്കബ്, മോന്സി മാളിയേക്കല്, എന് എം തോമസ്, കിങ്ങ്സ്റ്റണ് രാജ, ചീനിക്കുഴി രാധാക്യഷ്ണന്, ഗൗതം എന് നായര്, റിജോഷ് ആഞ്ഞിലിമൂട്ടില്, രൂപേഷ് പെരുംമ്പള്ളിപ്പറമ്പില്, സുരേഷ് വടവാതൂര്, സി പി ചന്ദ്രന്, കെ പി ഷാജി, സിജോ ജോസഫ്, പ്രധീഷ്, ഷാന് കുമാര് തുടങ്ങിയവര് സംസാരിച്ചു.
