മഞ്ചേരി : മഞ്ചേരി ഗവ.മെഡിക്കല് കോളജ് ആശുപത്രിയിലെ 25 ജീവനക്കാര് കോവിഡ് ബാധിച്ച് ചികിത്സയില്. ദിവസേന ശരാശരി അഞ്ച് ജീവനക്കാര്ക്ക് രോഗം സ്ഥിരീകരിക്കുന്നുണ്ട്. ഇവരില് ചിലര് ആശുപത്രിയിലാണ്. കോവിഡ് രോഗികളുടെ എണ്ണം വര്ധിച്ചുവരുന്ന സാഹചര്യത്തില് രോഗികള്ക്കുള്ള സൗകര്യം വര്ധിപ്പിക്കേണ്ടതുണ്ട്. കോവിഡ് രോഗികള് കുറഞ്ഞതിനെ തുടര്ന്ന് കോവിഡ് ബ്രിഗേഡില് പിരിച്ചുവിട്ട ജീവനക്കാര്ക്ക് പകരം നിയമനം നടത്തിയിട്ടില്ല. കൂടുതല് ജീവനക്കാരെ നിയമിക്കണമെന്നാവശ്യപ്പെട്ട് ആശുപത്രി അധികൃതര് ആരോഗ്യ വകുപ്പിന് അപേക്ഷ നല്കിയിട്ടുണ്ട്. കോവിഡ് ചികിത്സക്ക് ഒരുക്കിയ 104 കിടക്കകള് കഴിഞ്ഞ ദിവസം മുതല് 142 ആക്കി ഉയര്ത്തി.
