പുലിയൂര് : പുലിയൂര് ശ്രീകൃഷ്ണവിലാസം എന്.എസ്.എസ് കരയോഗത്തിന്റെ ആഭിമുഖ്യത്തില് സമുദായാചാര്യന് മന്നത്ത് പത്മനാഭന്റെ 52-ാം മത് സമാധി ദിനാചരണം പുഷ്പാര്ച്ചന, നാമജപം, അനുസ്മരണം എന്നിവയോടെ ആചരിച്ചു. കരയോഗം പ്രസിഡന്റ് അഡ്വ.ഡി.നാഗേഷ് കുമാര് ഉദ്ഘാടനം ചെയ്തു. കരയോഗം വൈസ് പ്രസിഡന്റ് എന്.വിജയന് പിളള അദ്ധ്യക്ഷത വഹിച്ചു. യൂണിയന് പ്രതിനിധി മോഹന് സി നായര് പ്രതിജ്ഞ ചൊല്ലികൊടുത്തു. കരയോഗം സെക്രട്ടറി വി.കെ പുരുഷോത്തമന് പിളള, ട്രഷറര് സി.പി ജയകുമാര്, ജോ.സെക്രട്ടറി റ്റി.എന് രാജഗോപാല്, പ്രൊഫ.കെ.എന്.ഗോപാലകൃഷ്ണകുറുപ്പ്, എന്.കെ രാമചന്ദ്രകുറുപ്പ്, വി.കെ ഗോപാലകൃഷ്ണപണിക്കര്, പുലിയൂര് ഉണ്ണികൃഷ്ണന്, വനിതസമാജം സെക്രട്ടറി സ്മിത രാജേഷ്, ട്രഷറര് രമണി എസ് പിളള, ശ്രീജ പത്മകുമാര് എന്നിവര് പ്രസംഗിച്ചു.
