മണ്ണാർക്കാട് : മയക്കുമരുന്നുമായി രണ്ട് യുവാക്കൾ പോലീസ് പിടിയിൽ. കോട്ടോപ്പാടം സ്വദേശികളായ കല്ലിടുമ്പിൽ മുഹമ്മദ് റിഷാദ് (26), ചോലകത്ത് ഫിറോസ് ഖാൻ (23) എന്നിവരെയാണ് മണ്ണാർക്കാട് പോലീസ് പിടികൂടിയത്. ഇവരിൽനിന്ന് 19 ഗ്രാം നിരോധിത മയക്കുമരുന്ന് (എം.ഡി.എം.എ) പിടിച്ചെടുത്തിട്ടുണ്ട്.
പോലീസ് നടത്തിയ നൈറ്റ് പട്രോളിങ്ങിനിടെ തിങ്കളാഴ്ച രാത്രിയാണ് കല്ലടി കോളേജിന് സമീപത്തുനിന്ന് ഇവരെ പിടികൂടിയത്. നിരോധിത മയക്കുമരുന്ന് കാറിൽ കടത്താൻ ശ്രമിക്കുന്നതിനിടെയാണ് യുവാക്കളെ പിടികൂടിയതെന്ന് പോലീസ് പറഞ്ഞു. എസ്.ഐ. കെ.ആർ ജസ്റ്റിൻ, സി.പി.ഒ മാരായ ദാമോദരൻ, മുഹമ്മദ് റാഫി, ഷഫീഖ് എന്നിവരുടെ നേതൃത്വത്തിലുള്ള സംഘമാണ് യുവാക്കളെ പിടികൂടിയത്.