തിരുവനന്തപുരം : കേശവദാസപുരം മീനംകുന്നില് വീട്ടില് മനോരമയെ കൊലപ്പെടുത്താന് ഉപയോഗിച്ച കത്തി കണ്ടെത്തി. സമീപത്തെ ഓടയില് നിന്നാണ് കത്തി കണ്ടെത്തിയത്. പ്രതി ഇതര സംസ്ഥാന തൊഴിലാളി ആദം അലിയെ തെളിവെടുപ്പിനു കൊണ്ടുവന്നപ്പോള് നാട്ടുകാര് കയ്യേറ്റം ചെയ്യാന് ശ്രമിച്ചു. പോലീസ് ബലം പ്രയോഗിച്ചാണ് ആള്ക്കാരെ നിയന്ത്രിച്ചത്.
കേശവദാസപുരം രക്ഷാപുരി റോഡില് മീനംകുന്നില് വീട്ടില് ദിനരാജിന്റെ ഭാര്യ മനോരമയെ (68) ബംഗാള് കുച്ച് ബിഹാര് സ്വദേശി ആദം അലി (21) കത്തി ഉപയോഗിച്ച് കഴുത്തില് കുത്തി കൊലപ്പെടുത്തുകയായിരുന്നു. കൊലപാതകത്തിനു ശേഷം തിരുവനന്തപുരത്തുനിന്ന് ബംഗാളിലേക്കു രക്ഷപ്പെടാന് ശ്രമിക്കുന്നതിനിടെ ചെന്നൈയില് റെയില്വേ സുരക്ഷാ സേനയുടെ പിടിയിലായി.
