കണ്ണൂര് : മലയോരമേഖലയിലെ മാവോവാദി ഭീഷണി നേരിടുന്ന പോളിങ് ബൂത്തുകളുടെ സുരക്ഷാചുമതല തണ്ടര്ബോള്ട്ട് സേന ഏറ്റെടുത്തു. കേളകം, പേരാവൂര് പോലീസ് സ്റ്റേഷന് പരിധിയില് 18 ബൂത്തുകളാണ് മാവോവാദി ഭീഷണി നേരിടുന്നത്. ഇവിടെയാണ് സുരക്ഷയുടെ ഭാഗമായി തണ്ടര്ബോള്ട്ടിനെ വിന്യസിച്ചത്.
കോളയാട് പഞ്ചായത്തിലെ കൊമ്മേരി, ചെക്യേരി, പെരുവ എന്നിവിടങ്ങളിലെ നാല് ബൂത്തുകളും കൊട്ടിയൂര്, കേളകം കണിച്ചാര് പഞ്ചായത്തുകളിലെ ശാന്തിഗിരി, ഏലപ്പീടിക, പൂളക്കുറ്റി, ഓടംത്തോട്, കുണ്ടേരി അടക്കാത്തോട്, മന്ദംചേരി എന്നിവിടങ്ങളിലുള്ള 14 ബൂത്തുകളുമാണ് നിലവില് മാവോവാദി ഭീഷണിയുള്ളത്. നേരത്തേ മാവോവാദി സാന്നിധ്യം ഉണ്ടായ പെരുവ, ചെക്യേരി അമ്പായത്തോട്, ശാന്തിഗിരി എന്നിവിടങ്ങളില് സുരക്ഷ കൂടുതല് ശക്തമാക്കാനാണ് പോലീസ് തീരുമാനം.