റാന്നി : ഓട്ടോ റിക്ഷ കാറിൽ ഉരസിയതിന് പെരുനാട് പഞ്ചായത്ത് പ്രസിഡന്റ് പി.എസ് മോഹനനും ഡ്രൈവർ അശോകനും ചേർന്ന് ഓട്ടോ ഡ്രൈവർ ചരിവുകലായിൽ സിറാജിനെ മർദിച്ചതിൽ പ്രതിഷേധിച്ച് ജനകീയ സമിതി പഞ്ചായത്ത് ഓഫീസ് മാർച്ചും ധർണയും നടത്തി. ജന്മനാ രോഗബാധിതനാണ് മർദ്ദനമേറ്റ സിറാജ്. വാഹനത്തിന് കേടുപാടുകൾ ഇല്ലെന്ന് ബോധ്യമായിട്ടും ഇവർ തന്നെ ക്രൂരമായി മർദ്ധിക്കുകയായിരുന്നു എന്ന് സിറാജ് പോലീസിൽ പരാതി നൽകിയിരുന്നു. അവശനിലയിലായ സിറാജ് പത്തനംതിട്ട ജനറൽ ആശുപത്രിയിൽ ചികിത്സയിലാണ്. വിവിധ സാമൂഹിക രംഗങ്ങളിലുള്ളവര് പങ്കെടുത്തു. ബിജു മോഡിയിൽ, ഷജീർ, ഫാസിൽ തുടങ്ങിയവർ സംസാരിച്ചു.
