ബ്ലൂംബെർഗ് ബില്യണയേഴ്സ് ഇൻഡക്സ് പ്രകാരം മെറ്റാ സിഇഒ മാർക്ക് സക്കർബർഗ് ആമസോൺ മേധാവി ജെഫ് ബെസോസിനെ മറികടന്ന് ലോകത്തിലെ രണ്ടാമത്തെ ധനികനായി. മെറ്റ പ്ലാറ്റ്ഫോമുകളുടെ ഓഹരിയിലുണ്ടായ കുതിപ്പാണ് സുക്കർബർഗിന് നേട്ടമായത്. നിലവിൽ, ഫേസ്ബുക്ക് സഹസ്ഥാപകൻ ടെസ്ല സിഇഒ ഇലോൺ മസ്കിനെ സക്കർബർഗ് ഏകദേശം 50 ബില്യൺ ഡോളർ പിന്നിലാക്കി. ബ്ലൂംബെർഗ് സൂചിക പ്രതാരം 206.2 ശതകോടി ഡോളറാണ് സുക്കർബർഗിന്റെ ആസ്തി. ബെസോസിനേക്കാൾ 1.1 ബില്യൻ ഡോളറിന്റെ ആസ്തിയാണ് സുക്കർബർഗിന് കൂടുതലായുള്ളത്. 256 ബില്യൻ ഡോളർ ആസ്തിയുള്ള ടെസ്ല സി.ഇ.ഒ ഇലോൺ മസ്കാണ് പട്ടികയിൽ ഒന്നാമത്.കാലിഫോർണിയ ആസ്ഥാനമായുള്ള മെൻലോ പാർക്കിൽ 13% ഓഹരിയുടമയായ മാർക്ക് സക്കർബർഗിൻ്റെ സമ്പത്ത് ഈ വർഷം ഇതുവരെ 78 ബില്യൺ ഡോളർ വർധിക്കുകയും സമ്പത്ത് സൂചികയിൽ ഈ വർഷം നാല് സ്ഥാനങ്ങൾ നേടുകയും ചെയ്തു.
എ.ഐ ചാറ്റ്ബോട്ടുകളിൽ കൂടുതൽ ഭാഷാ മോഡലുകൾ അവതരിപ്പിച്ചതോടെ മെറ്റ പ്ലാറ്റ്ഫോമുകൾക്ക് സ്വീകാര്യത കൂടിയിട്ടുണ്ട്. ഇതോടെ ഉപഭോക്താക്കൾക്കിടയിൽ കൂടുതൽ സ്വീകാര്യത ലഭിക്കുകയും ഓഹരികൾ കുതിച്ചുയരുകയും ചെയ്തു. നിക്ഷേപകരുടെതല്ലാതെ മാർക്ക് സക്കർബർഗിൻ്റെ വ്യക്തിഗത സമ്പത്ത് വർധിച്ചതിനാൽ ഈ വർഷത്തിൻ്റെ തുടക്കം മുതൽ മെറ്റാ ഓഹരികൾ ഏകദേശം 70% ഉയർന്നിരുന്നു. നിലവിൽ, വെർച്വൽ, ഓഗ്മെൻ്റഡ് റിയാലിറ്റി സാങ്കേതികവിദ്യകൾക്കായി മെറ്റാ കോടിക്കണക്കിന് ഡോളർ ചെലവഴിക്കുന്നുണ്ട്.മെറ്റവെയേഴ്സ് ഉൽപ്പന്നങ്ങൾക്കും സമീപകാലത്ത് വൻ സ്വീകാര്യത ലഭിക്കുന്നുണ്ട്. കഴിഞ്ഞ മാസം അവതരിപ്പിച്ച ഓറിയോൺ ഓഗ്മെന്റഡ് റിയാലിറ്റി ഗ്ലാസാണ് ഒടുവിൽ അവതരിപ്പിച്ച മെറ്റവെയർ ഉൽപ്പന്നം. ഈ വർഷം ഏറ്റവും കൂടുതൽ വളർച്ച നേടാൻ സാധ്യതയുള്ള സമ്പന്നരുടെ പട്ടികയിൽ സുക്കർബർഗാണ് ഒന്നാമതുള്ളത്.
