റോം: കൊറോണ വൈറസ് ഭീഷണി കണക്കിലെടുത്ത് ഈസ്റ്റര് ആഴ്ചയിലെ പരിപാടികള് വിശ്വാസികളില്ലാതെ നടത്തുമെന്ന് വത്തിക്കാന്. ‘നിലവിലെ ആഗോള പ്രതിസന്ധി പരിഗണിച്ച് ഇത്തവണ വിശുദ്ധ ആഴ്ചയിലെ ആഘോഷങ്ങള് വിശ്വാസികളുടെ നേരിട്ടുള്ള പങ്കാളിത്തമില്ലാതെ നടക്കുമെന്നാണ്’ പ്രഖ്യാപനം. ഏപ്രില് 12 വരെ മാര്പാപ്പയുടെ നേതൃത്വത്തിലുള്ള പ്രാര്ഥനകളും ചടങ്ങുകളും വത്തിക്കാന്റെ ഔദ്യോഗിക വാര്ത്താ വെബ്സൈറ്റിലൂടെ ഓണ്ലൈനായി കാണാം.
