ഡല്ഹി: സന്തോഷത്തോടെ ജീവിക്കാന് ഹിന്ദു ആണ്കുട്ടികളെ വിവാഹം കഴിക്കണമെന്ന് മുസ്ലിം പെണ്കുട്ടികളോട് വി.എച്ച്.പി നേതാവ് സാധ്വി പ്രാചി. ഹിന്ദു ആണ്കുട്ടികളെ വിവാഹം കഴിച്ചാല് കറുത്ത വസ്ത്രം ധരിക്കേണ്ട. തലാഖ് ചൊല്ലാതെ സന്തോഷകരമായ ജീവിതം നയിക്കാമെന്നും സാധ്വി പ്രാചി പറഞ്ഞു. ഉത്തര്പ്രദേശിലെ റായ് ബലേറിയില് മാധ്യമങ്ങളോട് സംസാരിക്കുകയായിരുന്നു സാധ്വി പ്രാചി.
ഗുജറാത്തിലെ ഉന നഗരത്തില് രാമനവമി ആഘോഷത്തോടനുബന്ധിച്ച് വിശ്വഹിന്ദു പരിഷത്ത് സംഘടിപ്പിച്ച ചടങ്ങിലായിരുന്നു പരാമര്ശം. മുസ്ലിം സ്ത്രീകള് ഹിന്ദു യുവാക്കളെ വിവാഹം കഴിക്കുമ്പോള് ഏതെല്ലാം തരത്തിലുള്ള ഉപകാരമാണ് ഉണ്ടാകുന്നത്. പിന്നിലുള്ളവര് ഇത് കേള്ക്കുന്നുണ്ടല്ലോ, അല്ലേ. ഹിന്ദു യുവാക്കളെ വിവാഹം കഴിച്ചാല് നിങ്ങള്ക്ക് സഹഭാര്യമാരുണ്ടാകില്ല. വീട്ടില് അവര്ക്ക് സുരക്ഷയുണ്ടാകും. കുടുംബത്തിലെ മറ്റാരും അവരുടെ മേല് കൈവയ്ക്കില്ല. 45 ഡിഗ്രി ചൂടില് അവര്ക്ക് ബുര്ഖ ധരിക്കേണ്ടി വരില്ല. നിങ്ങള്ക്ക് ഇഷ്ടമുള്ള വസ്ത്രം ധരിക്കാനുള്ള സ്വാതന്ത്ര്യമുണ്ടാകും, സാധ്വി പ്രാചി പറഞ്ഞു.
