ന്യൂഡല്ഹി : സ്ത്രീപക്ഷപോരാട്ടങ്ങളുടെ മുന്നണിപ്പടയാളിയും വിദ്യാഭ്യാസ വിദഗ്ധയുമായ മേരി റോയ് (89) അന്തരിച്ചു. ക്രിസ്ത്യൻ പിന്തുടർച്ചാവകാശ നിയമത്തില് ചരിത്രംകുറിച്ച മാറ്റത്തിന് ഇടയാക്കിയ നിയമയുദ്ധം നടത്തിയത് മേരി റോയിയാണ്. പിതൃസ്വത്തില് പെണ്മക്കള്ക്കും തുല്യാവകാശം ഉറപ്പുവരുത്തിയത് ആ കേസിലെ വിധി ആയിരുന്നു. വിദ്യാഭ്യാസത്തില് പുതുസമീപനവുമായി കോട്ടയത്ത് ‘പള്ളിക്കൂടം’ സ്കൂള് സ്ഥാപിച്ചു. സ്വതന്ത്രമായ കലാപ്രവര്ത്തനവും ആവിഷ്കാരസ്വാതന്ത്ര്യവും സ്കൂളില് ഉറപ്പുവരുത്തി. എഴുത്തുകാരി അരുദ്ധതി റോയി മകളാണ്.
