കൊച്ചി : മസാല ബോണ്ട് കേസില് മുന് ധനമന്ത്രി തോമസ് ഐസക്കിന്റെയും കിഫ് ബിയുടെയും ഹര്ജികളില് ഹൈക്കോടതി ഇന്ന് വിധി പറയും. എന്ഫോഴ്സ്മെന്റ് ഡയറക്ടറേറ്റിന്റെ സമന്സിനെതിരെയായിരുന്നു ഹര്ജി നല്കിയിരുന്നത്. ഇഡി സമന്സുകള് റദ്ദാക്കണമെന്നാണ് ഹര്ജികളിലെ ആവശ്യം. ജസ്റ്റിസ് വി ജി അരുണിന്റെ ബെഞ്ചാണ് വിധി പറയുന്നത്.
താന് ഫെമ നിയമ ലംഘനം നടത്തിയെന്ന് പറയുന്ന ഇ ഡി കുറ്റമെന്തെന്ന് വ്യക്തമാക്കിയിട്ടില്ലെന്ന് തോമസ് ഐസകും റിസര്വ് ബാങ്കിന്റെ അനുമതിയോടെയാണ് മസാല ബോണ്ട് പുറപ്പെടുവിച്ചതെന്ന് കിഫ്ബിയും വാദിക്കുന്നു. ഫെമ നിയമ ലംഘനം നടന്നിട്ടുണ്ടോ എന്ന് അന്വേഷിക്കാനുള്ള അധികാരം റിസര്വ് ബാങ്കിനാണെന്നും കിഫ്ബി വാദിച്ചു.
