അടൂര് : കുട്ടികളിലെ ഗണിത താത്പര്യം വര്ധിപ്പിക്കുന്നതിനും നിത്യജീവിതത്തില് സ്വാഭാവികമായി കടന്നുവരുന്ന നിരവധി ഗണിത സന്ദര്ഭങ്ങളെ ഗണിതപഠനത്തിലേക്കു സന്നിവേശിപ്പിക്കുന്നതിനുമായി സമഗ്രശിക്ഷ കേരളം കെഡിസ്കുമായി സഹകരിച്ച് ഈ വര്ഷം 6, 7, 8 ക്ലാസുകളിലെ തെരഞ്ഞെടുത്ത കുട്ടികള്ക്കായി സംസ്ഥാനത്തുടനീളം ഗണിതോത്സവം പരിപാടി നടപ്പിലാക്കുകയാണ്. ഈ മാസം 18, 19 തീയതികളില് ഗ്രാമപഞ്ചായത്തുകളില് ഓരോ കേന്ദ്രത്തിലും, മുനിസിപ്പാലിറ്റികളില് രണ്ടുകേന്ദ്രങ്ങളിലും പരിപാടി നടത്തും. പി.ഇ.സി, എം.ഇ.സി, എസ്.എം.സി തുടങ്ങിയ സംഘാടനക സമിതിയുമായി ആലോചിച്ചാണു ഗണിതോത്സവം സംഘടിപ്പിക്കുന്നത്. എല്ലാ ജനപ്രതിനിധികളെയും വിദ്യാഭ്യാസ പ്രവര്ത്തകരെയും അധ്യാപകരെയും രക്ഷിതാക്കളെയും പൂര്വവിദ്യാര്ഥികളെയും പൂര്വഅധ്യാപകരെയും സാമൂഹ്യ സാംസ്കാരിക പ്രമുഖരെയെല്ലാം പങ്കെടുപ്പിച്ചാണ് പരിപാടി നടത്തുന്നത്.
ഗണിതോത്സവത്തിന്റെ ജില്ലാതല ഉദ്ഘാടനം ഇന്ന് രാവിലെ 10 ന് അടൂര് ഗവ.യു.പി.സ്കൂളില് ചിറ്റയം ഗോപകുമാര് എം.എല്.എ നിര്വഹിക്കും. അടൂര് മുനിസിപ്പാലിറ്റി വിദ്യാഭ്യാസ ക്ഷേമകാര്യസമിതി ചെയര്പേഴ്സണ് സൂസി ജോസഫ് അധ്യക്ഷത വഹിക്കും. പത്തനംതിട്ട ജില്ലാ പഞ്ചായത്ത് വിദ്യാഭ്യാസ സ്റ്റാന്ഡിംഗ് കമ്മറ്റി ചെയര്പേഴ്സണ് കെ.ജി.അനിത മുഖ്യ പ്രഭാഷണം നടത്തും.
