കോഴിക്കോട് : സംരക്ഷിത മരങ്ങളുടെ സംരക്ഷണം പൂർണ്ണമായി ഉറപ്പാക്കിയാകും പുതിയ ഉത്തരവുകളെന്ന് വനം മന്ത്രി എ.കെ ശശീന്ദ്രൻ. ഇനിയൊരു ഉത്തരവ് ഉണ്ടാകുമ്പോൾ സംരക്ഷിത മരങ്ങളുടെ രക്ഷ പൂർണ്ണമായി ഉറപ്പാക്കുമെന്നും ഇക്കാര്യത്തിൽ റവന്യൂ മന്ത്രിയുമായി കൂടിയാലോചന ഉണ്ടാകുമെന്നും മന്ത്രി പറഞ്ഞു.
കർഷകരെ സംരക്ഷിക്കണം, തെറ്റായ നടപടിക്ക് കൂട്ടുനിന്ന ഉദ്യോഗസ്ഥർ ശിക്ഷിക്കപ്പെടണം, സംരക്ഷിത മരങ്ങളുടെ സംരക്ഷണം പൂർണ്ണമായി ഉറപ്പാണം എന്നിവയാണ് സർക്കാരിന്റെ ഉദ്ദേശം. മരം വെട്ട് അന്വേഷിക്കുന്ന സംഘത്തിൽ ആരോപണ വിധേയർ ഉള്ളത് അന്വേഷണത്തെ ദുർബലമാക്കില്ല. ഇവർക്ക് എതിരായ ഇടക്കാല റിപ്പോർട്ടുകൾ അന്വേഷണത്തിന്റെ ഭാഗമാണെന്നും മന്ത്രി പറഞ്ഞു.
