തൊടുപുഴ: മാട്ടുപ്പെട്ടി ഡാമിന്റെ ഒരു ഷട്ടര് തുറന്നു. പള്ളിവാസല് ജലവൈദ്യുത പദ്ധതിയുടെ ആവശ്യത്തിനുള്ള ജല ലഭ്യത ഉറപ്പു വരുത്തുന്നതിനായാണ് ഡാമിന്റെ ഷട്ടര് തുറന്നത്. തിങ്കളാഴ്ച വൈകീട്ട് 4 മണി മുതല് ആണ് മാട്ടുപ്പെട്ടി ഡാമിന്റെ ഒരു ഷട്ടര് തുറന്നത്. പരമാവധി 10 ക്യുമെക്സ് വരെ ജലം ആണ് ഒഴുക്കി വിടുന്നത്. മുതിരപ്പുഴയാറിലെ ജലനിരപ്പിന് യാതൊരുവിധ വ്യത്യാസവും ഉണ്ടാകാത്ത വിധത്തില് ജലം പുറത്തേക്ക് തുറന്നു വിടുമെന്ന് ജില്ലാ കളക്ടര് ഷീബ ജോര്ജ് അറിയിച്ചു.
