കൊച്ചി : വരവില് കവിഞ്ഞ സ്വത്ത് സമ്പാദിച്ചെന്നാരോപിച്ച് പി.വി. അന്വര് എംഎല്എയ്ക്കെതിരെ അന്വേഷണം ആവശ്യപ്പെട്ട് ഹൈക്കോടതിയില് ഹര്ജി. മലപ്പുറം സ്വദേശിയും വിവരാവകാശ പ്രവര്ത്തകനുമായ കെ.വി ഷാജിയാണ് ഹര്ജി നല്കിയിരിക്കുന്നത്. 2011 മുതല് 2019 വരെയുള്ള കാലഘട്ടത്തില് അനധികൃതമായി സ്വത്ത് സമ്പാദിച്ചുവെന്നാണ് ഷാജിയുടെ പരാതിയില് പറയുന്നത്. ഇഡിയ്ക്കും ആദായനികുതി വകുപ്പിനും പരാതി നല്കിയിട്ടും നടപടി ഉണ്ടായില്ലെന്നും ഹര്ജിയില് പറയുന്നു. കര്ണാടകത്തില് ക്രഷര് ബിസിനസില് പങ്കാളിത്തം വാഗ്ദാനം ചെയ്ത് അന്വര് പ്രവാസിയില് നിന്നും 50 ലക്ഷം തട്ടിയ കേസില് ഡിസംബര് 31ന് അന്തിമ അന്വേഷണ റിപ്പോര്ട്ട് സമര്പ്പിക്കുമെന്ന് ക്രൈംബ്രാഞ്ച് കോടതിയെ അറിയിച്ചു.
