തിരുവനന്തപുരം : കത്ത് വിവാദത്തിൽ മേയര് രാജിവെയ്ക്കില്ലെന്ന് സി.പി.എം ജില്ലാ സെക്രട്ടറി ആനാവൂര് നാഗപ്പന്. മൊഴിയെടുക്കാന് ക്രൈംബ്രാഞ്ച് സമയം ചോദിച്ചിട്ടുണ്ടെന്ന് സി.പി.എം ജില്ലാ സെക്രട്ടറി വ്യക്തമാക്കി. നഗരസഭയില് സമരം പ്രതിപക്ഷത്തിന്റെ ആവശ്യവും അവകാശവുമാണ്. മേയറുടെ രാജി ആവശ്യപ്പെടാനുള്ള അവകാശം പ്രതിപക്ഷത്തിനുണ്ട്. ഞങ്ങള് ജനങ്ങളോട് കാര്യം പറയും. വിവാദ കത്തില് എഫ്ഐആര് ഇടാത്തതിനെ കുറിച്ച് അറിയില്ലെന്നും അന്വേഷണം ഉണ്ടാകുമെന്നും അദ്ദേഹം ആവര്ത്തിച്ചു.
അതിനിടെ നിയമനക്കത്തുവിവാദത്തില് അന്വേഷണം ആവശ്യപ്പെട്ടുള്ള ഹര്ജിയില് തിരുവനന്തപുരം മേയര് ആര്യ രാജേന്ദ്രന് ഹൈക്കോടതി നോട്ടിസയച്ചു. ആരോപണങ്ങളെപ്പറ്റി മേയര്ക്ക് പറയാനുള്ളത് കേട്ടശേഷം തീരുമാനമെടുക്കാമെന്ന് കോടതി വ്യക്തമാക്കി. ജുഡീഷ്യല് അന്വേഷണമോ സി.ബി.ഐ. അന്വേഷണമോ വേണമെന്നാണ് ഹര്ജിയിലെ ആവശ്യം.
