തിരുവനന്തപുരം : കേന്ദ്രമന്ത്രി അനുരാഗ് ഠാക്കൂറുമായുള്ള സൗഹൃദത്തെക്കുറിച്ചും കൂടിക്കാഴ്ചയെക്കുറിച്ചും ഫെയ്സ്ബുക്കിൽ പടം സഹിതം കുറിപ്പിട്ട സ്പീക്കർ എം.ബി രാജേഷിനെതിരെ വ്യാപക വിമർശനം. സിപിഎം അനുഭാവികളാണ് കടുത്ത വിമർശനവുമായി രംഗത്തെത്തിയത്. പൗരത്വ ബിൽ സമരക്കാരെ വെടിവെയ്ക്കണമെന്ന് ആഹ്വാനം ചെയ്തു സമരം നയിച്ച വ്യക്തിയുമായുള്ള സൗഹൃദം സമൂഹമാധ്യമത്തിൽ പോസ്റ്റ് ചെയ്തതു ശരിയായില്ലെന്നും പിൻവലിക്കണമെന്നുമാണു പാർട്ടി അനുഭാവികളുടെ ആവശ്യം. രാജേഷ് ഇതിനോടു പ്രതികരിച്ചിട്ടില്ല. ഇന്നലെ കോൺഗ്രസ് നേതാവ് വി.എസ് വിജയരാഘവന്റെ 80 –ാം പിറന്നാ‍ൾ ആഘോഷത്തിൽ പങ്കെടുത്തതിന്റെ വിശേഷം പങ്കുവെയ്ക്കുകയും ചെയ്തു.
