ഹൈദരാബാദ് : യൂണിവേഴ്സിറ്റി ഓഫ് ഹൈദരാബാദ് സ്കൂൾ ഓഫ് മാനേജ്മെന്റ് സ്റ്റഡീസ് 2022 – 24 ലെ എം.ബി. എ. പ്രോഗ്രാം പ്രവേശനത്തിന് അപേക്ഷിക്കാം. മാർക്കറ്റിങ്, ഫൈനാൻസ്, ഓപ്പറേഷൻസ്, ഹ്യൂമൺ റിസോഴ്സസ്, ഓൺട്രപ്രണർഷിപ്പ്, ബിസിനസ് അനലറ്റിക്സ്, ബാങ്കിങ് എന്നീ സ്പെഷ്യലൈസേഷനുകൾ ലഭ്യമാണ്. കുറഞ്ഞത് മൂന്നുവർഷത്തെ കോഴ്സിലൂടെ 60 ശതമാനം മാർക്കോടെ നേടിയ ഫസ്റ്റ് ക്ലാസ് ബാച്ചിലർ ബിരുദം/തത്തുല്യ യോഗ്യത ഉള്ളവർക്ക് അപേക്ഷിക്കാം. 2022 ജൂണിനകം യോഗ്യത നേടുമെന്നു പ്രതീക്ഷിക്കുന്നവർക്കും അപേക്ഷിക്കാം. കാറ്റ് 2021 സ്കോർ പരിഗണിച്ചാകും തെരഞ്ഞെടുപ്പിന്റെ ഭാഗമായുള്ള ഗ്രൂപ്പ് ഡിസ്കഷൻ/ഇന്റർവ്യൂ എന്നിവയ്ക്ക് അപേക്ഷകരെ ഷോർട് ലിസ്റ്റ് ചെയ്യുന്നത്. അപേക്ഷ ഡിസംബർ 15 വരെ acad.uohyd.ac.in/mba22.html വഴി നൽകാം.
