കൊച്ചി: വീട്ടമ്മയുടെ മാല പൊട്ടിച്ച എംബിഎക്കാരന് അറസ്റ്റില്. മാഞ്ഞുമ്മല് സ്വദേശി സോബിന് സോളമനാണ് പോലീസിന്റെ പിടിയിലായത്. ചേരാനെല്ലൂര് ഭഗവതി ക്ഷേത്രത്തിന് സമീപമുള്ള ചെറിയ ഇടവഴിയിലൂടെ വീട്ടമ്മ ജോലി കഴിഞ്ഞ് മടങ്ങുന്നതിനിടെ ഇന്നലെ മൂന്ന് മണിയോയോടെയാണ് മാല കവര്ന്നത്. ഇതിന് ശേഷം പ്രതി ബൈക്കില് രക്ഷപ്പെടുകയും ചെയ്തു. തുടര്ന്ന് സിസിടിവി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തില് പ്രതിയെ പിടികൂടുകയായിരുന്നു.
പുതിയ കാര് വാങ്ങാനായി പണം കണ്ടെത്തുന്നതിനാണ് മോഷണം നടത്തിയതെന്നാണ് പ്രതിയുടെ മൊഴി. സാമ്പത്തിക പ്രതിസന്ധിയും മോഷണം നടത്താന് കാരണമായതായി പ്രതി പോലീസിനോട് പറഞ്ഞു. മോഷണം നടത്താന് സോബിന് എത്തിയത് സുഹൃത്തിന്റെ ബൈക്കിലാണ്. ബൈക്കിന്റെ നമ്പറില് സോബിന് കൃത്രിമം കാണിക്കുകയും ചെയ്തിരുന്നു. മുന്കൂട്ടി പദ്ധതി തയ്യാറാക്കിയാണ് സ്ഥലത്തെത്തിയതെന്ന് സോബിന് പോലീസിനോട് പറഞ്ഞു.
