തിരുവനന്തപുരം: സ്വിഫ്റ്റ് കമ്പനി കെഎസ്ആര്ടിസിയുടെ അന്തകനായിമാറിയെന്ന് കെപിസിസി പ്രസിഡന്റ് കെ.സുധാകരന്. സ്വിഫ്റ്റ് കമ്പനിയെ പരിപോഷിച്ച് കെ.എസ്.ആര്.ടി.സിക്ക് സര്ക്കാര് വിധിക്കുന്നത് ദയാവധമെന്നും എംപി.കുറ്റപ്പെടുത്തി. സര്ക്കാരിന്റെയും മാനേജ്മെന്റിന്റെയും കെടുകാര്യസ്ഥതയ്ക്കും പിടിപ്പുകേടിനും ശിക്ഷിക്കുന്നത് പാവപ്പെട്ട തൊഴിലാളികളെയാണ്. ജീവനക്കാര്ക്ക് ശമ്പളം നല്കാന് ബാദ്ധ്യതയില്ലെന്ന സര്ക്കാര് നിലപാട് കടുത്ത തൊഴിലാളി വഞ്ചനയാണെന്നും സുധാകരന് കുറ്റപ്പെടുത്തി.
17.5 ശതമാനം ബസുകളും കെ.എസ്.ആര്.ടി.സിയില് സര്വീസ് നടത്തുന്നില്ല. പ്രായോഗികമല്ലാത്ത ഡ്യൂട്ടി പാറ്റേണാണ് ഇപ്പോഴും നിലവിലുള്ളത്. സൂപ്പര്ക്ലാസ് സര്വ്വീസുകള് നടത്താന് ഓരോ വര്ഷവും ചുരുങ്ങിയത് 1000 ബസ്സുകളെങ്കിലും പുതുതായി വേണം. കോടികള് വിലയുള്ള കെ.എസ്.ആര്.ടി.സിയുടെ ആസ്തികള് പലതും സിപിഎം നിയന്ത്രിത സ്ഥാപനങ്ങള്ക്ക് കൈമാറ്റം ചെയ്യുകയാണ്. സ്വിഫ്റ്റ് കമ്പനി കെഎസ്ആര്ടിസിയുടെ അന്തകനായിമാറി. സര്വീസ് നടത്താന് ബസ്സുകളില്ലെന്ന കാരണം ചൂണ്ടിക്കാട്ടി ദേശസാത്കൃതറൂട്ടുകള് മുഴുവന് സ്വകാര്യവത്കരിച്ചെന്നും അദ്ദേഹം ആരോപിക്കുന്നു.
