റാന്നി: തൊഴിൽ വകുപ്പ് റാന്നി അസിസ്റ്റൻറ് ലേബർ ഓഫീസ് പരിധിയിൽ അതിഥി തൊഴിലാളികൾക്കായി മെഡിക്കൽ ക്യാമ്പും ലഹരി വിരുദ്ധ ബോധവൽക്കരണവും അതിഥി പോർട്ടൽ രജിസ്ട്രേഷനും സംഘടിപ്പിച്ചു. അങ്ങാടി ഗ്രാമപഞ്ചായത്ത് പ്രസിഡന്റ് ബിന്ദു റെജി ഉദ്ഘാടനം ചെയ്തു. റാന്നി അസിസ്റ്റന്റ് ലേബർ ഓഫീസർ എം.ഐ ശ്രീനാഥ് അദ്ധ്യക്ഷത വഹിച്ചു. റാന്നി താലൂക്ക് ആശുപത്രി ഡോ. സൂരജ് മെഡിക്കൽ ക്യാമ്പിന് നേതൃത്വം നൽകി. റാന്നി പോലീസ് സബ് ഇൻസ്പെക്ടർ കൃഷ്ണൻകുട്ടി , സിവിൽ എക്സൈസ് ഓഫീസർ അഭിജിത്ത് ജനമൈത്രി പൊലീസ് ഓഫീസർ അശ്വധീഷ്, സാമൂഹ്യ പ്രവർത്തകൻ ശ്രീനി ശാസ്താംകോവിൽ, എയ്ഡ്സ് കൺട്രോൾ സൊസൈറ്റി വർക്കർ ഗോപാലകൃഷ്ണപിള്ള, ഹെൽത്ത് ഇൻസ്പെക്ടർമാരായ ഷിജു, ശ്രീ.അനിൽകുമാർ അൻസാരി എന്നിവർ പ്രസംഗിച്ചു.
