മലപ്പുറം : കുറ്റിപ്പുറം ഗവ.താലൂക്ക് ആശുപത്രിയില്നിന്ന് അലര്ജിക്ക് കുത്തിവയ്പ് എടുത്തതിനു ശേഷം ഗുരുതരാവസ്ഥയിലായ യുവതി മരിച്ചു. കുറ്റിപ്പുറം സ്വദേശി തോണിക്കടവത്ത് മുഹമ്മദ് സബാഹിന്റെ ഭാര്യ വടക്കനായി പടിഞ്ഞാറത്ത് ഹസ്ന (27) ആണ് മരിച്ചത്. 25 ന് വൈകുന്നേരം നാലു മണിയോടെ കഴുത്തിലും കൈകളിലും ചൊറിച്ചില് അനുഭവപ്പെട്ടതിനെ തുടര്ന്നാണ് ഹസ്നയെ കുറ്റിപ്പുറം ഗവ.താലൂക്ക് ആശുപത്രിയില് എത്തിച്ചത്. പരിശോധിച്ച ഡോക്ടര് 2 ഡോസ് അലര്ജിയുടെ മരുന്നെടുക്കാന് നിര്ദ്ദേശിച്ചു. ഡോക്ടറുടെ നിര്ദേശപ്രകാരം ആശുപത്രിയില് നിന്ന് അലര്ജിക്കുള്ള 2 ഡോസ് കുത്തിവയ്പ് എടുക്കുകയും ചെയ്തുു.
ഉടന് തന്നെ കുഴഞ്ഞുവീണ യുവതിയെ തൃശൂര് മെഡിക്കല് കോളജ് ആശുപത്രിയിലേക്ക് കൊണ്ടുപോകാന് നിര്ദ്ദേശം നല്കി എന്നാല് മെഡിക്കല് കോളജില് വെന്റിലേറ്റര് ലഭ്യമാകാത്തതിനാല് യുവതിയെ തൃശൂരിലെ സ്വകാര്യ ആശുപത്രിയില് പ്രവേശിപ്പിച്ചു. അവിടെ നിന്നും കഴിഞ്ഞ ദിവസം രാവിലെ ഒന്പതരയോടെ ഹസ്ന മരണപെടുകയായിരുന്നു. സംഭവത്തില് ആശുപത്രിക്കെതിരെ യുവതിയുടെ ബന്ധുക്കള് നിയമ നടപടിക്ക് ഒരുങ്ങുന്നു. ഗവ താലൂക്കാശുപത്രിയിലെ ഡോക്ടറുടെ തെറ്റായ നിഗമനമാണ് ഹസ്നയുടെ മരണത്തിന് കാരണമെന്ന് ബന്ധുക്കള് പറയുന്നു. അമിത ഡോസ് മരുന്ന് കുത്തി വെച്ചതാണ് മരണകാരണമെന്നാണ് ബന്ധുക്കള്പറയുന്നത്.
