ഗർഭാവസ്ഥയുടെ സാധ്യതകൾക്കായുള്ള തയ്യാറെടുപ്പിനായി സ്ത്രീയുടെ ശരീരം കടന്നുപോകുന്ന ഒന്നാണ് ആർത്തവചക്രം. ക്രമരഹിതമായ ആർത്തവം ചില സ്ത്രീകളിൽ കണ്ട് വരുന്ന പ്രശ്നമാണ്. ആർത്തവ വേദന കുറയ്ക്കാൻ സഹായിക്കുന്ന ഭക്ഷണങ്ങൾ അറിയാം…
ചീര, ബ്രോക്കോളി, കാബേജ്, കോളിഫ്ളവർ തുടങ്ങിയവയിൽ കാൽസ്യം, മഗ്നീഷ്യം എന്നിവ ധാരാളം അടങ്ങിയിട്ടുണ്ട്. ഇവ ആർത്തവ വേദന കുറയ്ക്കാൻ സഹായിക്കുന്നു. ശരീരത്തിലെ ജലത്തിൻ്റെ അഭാവം ആർത്തവസമയത്ത് നിർജ്ജലീകരണത്തിനും തലവേദനയ്ക്കും കാരണമാകും. വെള്ളരിക്ക, തണ്ണിമത്തൻ തുടങ്ങിയ ഭക്ഷണങ്ങൾ കഴിക്കുന്നത് ശരീരത്തിൽ ജലാംശം നിലനിർത്തുന്നു. ഒമേഗ 3 ഫാറ്റി ആസിഡ്, ഇരുമ്പ്, പ്രോട്ടീൻ എന്നിവ അടങ്ങിയ മത്സ്യം ആർത്തവ വേദന കുറയ്ക്കാൻ സഹായിക്കുന്നു.
ഒമേഗ -3 അടങ്ങിയ ഭക്ഷണങ്ങൾ കഴിക്കുന്നത് മാനസികാരോഗ്യത്തിന് സഹായിക്കുന്നതായി പഠനങ്ങൾ പറയുന്നു.
മഞ്ഞൾ ഒരു മികച്ച സുഗന്ധവ്യഞ്ജനമാണ്. മഞ്ഞൾ മലബന്ധവും മറ്റ് ആർത്തവ ലക്ഷണങ്ങളും കുറയ്ക്കുമെന്ന് തെളിയിക്കപ്പെട്ടിട്ടുണ്ട്. തൈര് പ്രോബയോട്ടിക്കുകളാൽ സമ്പുഷ്ടമായ ഒരു ഭക്ഷണമാണ്. ഇത് ശരീരത്തെ പോഷിപ്പിക്കുകയും അണുബാധകളിൽ നിന്ന് യോനിയെ സംരക്ഷിക്കുകയും ചെയ്യുമെന്ന് പഠനങ്ങൾ പറയുന്നു.
