പത്തനംതിട്ട: വ്യാപാര മേഖലയിൽ പ്രവർത്തിക്കുന്നവരുടെ ആശ്രിതരായിട്ടുള്ളവരിൽ വിവിധ പരീക്ഷകളിൽ ഉന്നത വിജയം കൈവരിച്ച വിദ്യാര്ഥികളെ കേരള വ്യാപാരി വ്യവസായി ഏകോപന സമിതി പത്തനംതിട്ട ജില്ലാ കമ്മറ്റിയുടെ നേതൃത്വത്തിൽ മെറിറ്റ് അവാർഡ് 2026 നൽകി ആദരിച്ചു. അഡ്വ.അബിൻ വർക്കി എം.എല്.എ ഉത്ഘാടനവും അവാര്ഡ് വിതരണവും നിര്വഹിച്ചു. ഏറ്റവും പുതിയ കാര്യങ്ങൾ പഠിക്കുവൻ നാം തയ്യാറകണമെന്നും വ്യാപാര വ്യവസായ മേഖലയിൽ മോഡേണൈസ് കൊണ്ടുവരണമെന്നും എം.എല്.എ അബിന് വര്ക്കി പറഞ്ഞു. കേരള വ്യാപാരി വ്യവസായി ഏകോപന സമിതി പത്തനംതിട്ട ജില്ലാ പ്രസിഡന്റ് പ്രസാദ് ജോൺ മാമ്പ്ര അദ്ധ്യക്ഷത വഹിച്ചു.
ജില്ലാ വൈസ് പ്രസിഡന്റ് ഷാജി മാത്യു, ജനറൽ സെക്രട്ടറി ഏബ്രഹാം പരുവാനിക്കൽ, ജില്ലാ ട്രഷറാർ കെ.എസ്. അനിൽ കുമാർ, യൂണിറ്റ് ജനറൽ സെക്രട്ടറി അലിഫ്ഖാൻ, യൂണിറ്റ് ട്രഷറർ ബെന്നി ഡാനിയേൽ, നൗഷാദ് റോളക്സ്, ജോർജ്ജ് വർഗ്ഗീസ്, സജി കരിമ്പനക്കൽ, രാജു പി., തോമസ് മോഡി, ഇസ്മയിൽ മൾബറി, സുരേഷ് ലാൽ, തമ്പി കെ.പി., അലക്സാണ്ടർ വിളവിനാൽ, സുരേഷ് ബാബു, മനു മോഹൻ, ജോഷ്വ ജോസ് തുടങ്ങിയവർ സംസാരിച്ചു.
