പത്തനംതിട്ട : മെറിറ്റ് ഫെസ്റ്റ് 2025 നഗരസഭാ ചെയർമാൻ അഡ്വ. ടി സക്കീർ ഹുസൈൻ ഉദ്ഘാടനം ചെയ്തു. നേടിയ അറിവുകൾ സ്വാംശീകരിച്ച് പൊതു സമൂഹത്തിന് ഗുണകരമായി പ്രയോഗിക്കുമ്പോഴാണ് വിദ്യാഭ്യാസത്തിൻ്റെ യഥാർത്ഥ ലക്ഷ്യം നിറവേറ്റപ്പെടുന്നത് എന്ന് അദ്ദേഹം പറഞ്ഞു. വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ എസ് ഷമീർ അദ്ധ്യക്ഷത വഹിച്ചു. ഡെപ്യൂട്ടി ചെയർപേഴ്സൺ ആമിന ഹൈദരാലി മുഖ്യ പ്രഭാഷണം നടത്തി. നഗരസഭയിലെ വാർഡുകളിൽ പത്താം ക്ലാസ്സ്, പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ്സ് നേടിയ വിദ്യാർത്ഥികളെയും ഉന്നതതല പരീക്ഷകളിൽ റാങ്ക് ജേതാക്കളായവരെയും അനുമോദിച്ചു.
വികസനകാര്യ സ്റ്റാൻഡിങ് കമ്മിറ്റി ചെയർമാൻ കെ ആർ അജിത് കുമാർ, ആരോഗ്യകാര്യ സ്റ്റാന്റിംഗ് കമ്മിറ്റി ചെയർമാൻ ജറി അലക്സ്, പ്രതിപക്ഷ നേതാവ് എ ജാസിംകുട്ടി, കൗൺസിലർമാരായ ആർ സാബു, നീനുമോഹൻ, സുജ അജി, വിമല ശിവൻ, ഷൈലജ, ആൻസി തോമസ്, റോസ്ലിൻ സന്തോഷ്, സി കെ അർജ്ജുനൻ, ബിജിമോൾ മാത്യു, ഷീല എസ്, ഷൈലജ, തുടങ്ങിയവർ പ്രസംഗിച്ചു.
