തിരുവനന്തപുരം : ചിറയിന്കീഴില് ഭാര്യാ സഹോദരന് യുവാവിനെ ആക്രമിച്ച സംഭവം മതംമാറ്റം ഉള്പ്പെടുത്തിയില്ല പട്ടികജാതി യുവാവിനെ ഭാര്യയുടെ സഹോദരന് ആക്രമിച്ചത് മതവിരോധം മൂലമെന്ന് പോലീസിന്റെ എഫ്.ഐ.ആര്. ജാതിപ്പേര് വിളിച്ച് ആക്ഷേപിച്ച ശേഷമായിരുന്നു മര്ദനമെന്നും റിപ്പോര്ട്ട്. എന്നാല് മതംമാറാന് നിര്ബന്ധിച്ചതായി എഫ്.ഐ.ആറില് രേഖപ്പെടുത്തിയിട്ടില്ല. മത വിരോധത്തിനൊപ്പം ദുരഭിമാനവും എതിര്പ്പിന് കാരണമായെന്ന് പ്രതിയുടെ അമ്മ വല്സല ജോര്ജ് .
വിവാഹത്തിന്റെ മൂന്നാം നാള് ചിറയിന്കീഴുകാരന് മിഥുന് കൃഷ്ണന് മര്ദനം ഏല്ക്കേണ്ടിവന്നത്. മിഥുന് പട്ടികജാതി വിഭാഗത്തിലും ദീപ്തി ലത്തീന് കത്തോലിക്കാ വിഭാഗത്തിലുംപെട്ടതാണ്. പ്രേമിച്ച് റജിസ്റ്റര് വിവാഹം നടത്തിയതിന്റെ വൈരാഗ്യത്താലാണ് ദീപ്തിയുടെ സഹോദരന് ആക്രമിക്കാന് പദ്ധതിയിട്ടത്. താഴ്ന്ന ജാതിയിലുള്ള മിഥുന് സഹോദരിയെ വിവാഹം ചെയ്യാന് എന്ത് യോഗ്യതയെന്ന് ചോദിച്ചായിരുന്നു മര്ദനമെന്നും എഫ്.ഐ.ആറിലുണ്ട്.
പട്ടികജാതി അതിക്രമ നിരോധന നിയമമടക്കം ചേര്ത്ത് ഡോക്ടറായ ഡാനിഷിനെതിരെ ജാമ്യമില്ലാകേസാണ് എടുത്തിരിക്കുന്നത്. മതവിരോധത്തിനൊപ്പം സാമ്പത്തികമായി ഉയര്ന്ന ദീപ്തിയുടെ കുടുംബത്തിന് പിന്നോക്കക്കാരനായ മിഥുനെ അംഗീകരിക്കുന്നതിലുള്ള ദുരഭിമാനവും വിരോധത്തിന് കാരണമെന്നാണ് ദീപ്തിയുടെ അമ്മപറയുന്നത്. അക്രമത്തിന് പിന്നാലെ പ്രതിയായ ഡാനിഷ് ഒളിവില് പോയെന്ന് അമ്മ സമ്മതിച്ചു. അറസ്റ്റ് ചെയ്യുംവരെ നിയമനടപടിയായി മുന്നോട്ട് പോകമെന്ന് ദീപ്തിയും ,മിഥുന്റെ കുടുംബവും.