തിരുവനന്തപുരം: തിരുവനന്തപുരത്ത് അന്യസംസ്ഥാന തൊഴിലാളികളും പോലീസും തമ്മില് സംഘര്ഷം. നാട്ടിലേക്ക് പോകാന് സൗകര്യമൊരുക്കണമെന്നാവശ്യപ്പെട്ട് പ്രതിഷേധവുമായി എത്തിയത് 670 ഓളം തൊഴിലാളികള്. പ്രതിഷേധക്കാര് പോലീസിന് നേരെ നടത്തിയ കല്ലേറില് പേട്ട സിഐയുടെ തലക്ക് പരിക്കേറ്റു. തിരുവനന്തപുരം ഒരു വാതില് കോട്ടയില് ഇന്ന് വൈകുന്നേരമാണ് സംഭവം.
തിരുവനന്തപുരത്തെ മാളിന്റെ ജോലിക്കായി എത്തിയതായിരുന്നു തൊഴിലാളികള്. കനത്ത മഴയെ അവഗണിച്ചായിരുന്നു തൊഴിലാളികളുടെ പ്രതിഷേധം. മറ്റ് ജില്ലകളില് നിന്നുള്ള പല തൊഴിലാളികളും മടങ്ങിപ്പോയെങ്കിലും ജില്ലയില് നിന്നുള്ളവര്ക്ക് നാട്ടിലേക്ക് മടങ്ങാന് കഴിഞ്ഞില്ലെന്നാണ് പ്രതിഷേധക്കാര് പറയുന്നത്.
ക്യാമ്പിലുള്ളവരില് ചിലര് പല അസുഖങ്ങളടക്കമുള്ള ബുദ്ധിമുട്ടുകള് നേരിടുന്നുണ്ടെന്നും നാട്ടിലേക്ക് പോകാനുള്ള സൗകര്യം ഒരുക്കണമെന്നുമാണ് ആവശ്യം. പ്രതിഷേധം ശക്തമായതോടെ തൊഴിലാളികളുമായി പോലീസ് ചര്ച്ച നടത്തി. മടങ്ങിപ്പോകുന്നതിന് നടപടി എടുക്കാമെന്ന് പോലീസ് ഉറപ്പ് നല്കിയതോടെയാണ് തൊഴിലാളികള് പ്രതിഷേധം അവസാനിപ്പിച്ചത്.
