മാങ്കുളം: മാങ്കുളത്ത് പെണ്കുട്ടിയെ പ്രണയിച്ച് അശ്ലീല വീഡിയോ എടുത്ത് സോഷ്യല് മീഡയില് പ്രചരിപ്പിച്ച പ്രതി അറസ്റ്റിലായി. ഒഡീഷ സ്വദേശി രാജ്കുമാര് നായികിനെയാണ് മൂന്നാര് പോലീസ് പിടികൂടിയത്. 2018 ലാണ് മാങ്കുളത്ത് ഒഡീഷ സ്വദേശിയായ രാജ്കുമാര് നായിക് ജോലി തേടി എത്തിയത്. ജോലിക്കിടെ ഇയാള് സമീപത്തെ വിദ്യാര്ത്ഥിനിയുമായി അടുപ്പത്തിലായി. തുടര്ന്ന് ബലപ്രയോഗത്തിലൂടെയും പെണ്കുട്ടിയുടെ സമ്മതമില്ലാതെയും അശ്ലീല വീഡിയോകള് മൊബൈല് കാമറയില് പകര്ത്തി. തുടര്ന്ന് ഭീഷണിപ്പെടുത്തുകയായിരുന്നു.
പെണ്കുട്ടിയെ ഭീഷണിപ്പെടുത്തി പണം ആവശ്യപ്പെട്ടു. പെണ്കുട്ടി വഴങ്ങിയില്ല. ഇതനിടെ നാട്ടിലേക്ക് പോയ പ്രതി അവിടെ നിന്നും ഭീക്ഷണി തുടര്ന്നുകൊണ്ടിരുന്നു. കുറച്ചുദിവസം മുമ്പ് പെണ്കുട്ടി ഇയാളുടെ ഫോണ് നമ്പര് ബ്ലോക്ക് ചെയ്തു. ഇതോടെ വീഡിയോകള് സോഷ്യല് മീഡിയയില് പോസ്റ്റ് ചെയ്യുകയായിരുന്നു. പെണ്കുട്ടിയുടെ പരാതിയെ തുടര്ന്നാണ് പ്രതിയെ അറസ്റ്റ് ചെയ്തത്.
