മനാമ: ബഹ്റൈനിലെ സ്കൂളുകളില് അധ്യാപക തസ്തികകളില് ഉള്പ്പെടെ സ്വദേശിവത്കരണം വരുന്നു. സ്വകാര്യ സ്കൂളുകളിലെ തസ്തികകളില് 70 ശതമാനം സ്വദേശിവത്കരണം നടപ്പാക്കണമെന്ന് ശുപാര്ശ. അധ്യാപകര്ക്ക് പുറമെ അഡ്മിനിസ്ട്രേഷന് ഉള്പ്പെടെയുള്ള മറ്റ് തൊഴിലുകളിലും സ്വദേശിവത്കരണം വേണമെന്ന ശുപാര്ശ കഴിഞ്ഞ ദിവസം പാര്ലമെന്റ് അംഗങ്ങള് ഏകകണ്ഠമായി അംഗീകരിച്ചു.
ഓഗസ്റ്റില് ആരംഭിക്കുന്ന പുതിയ അക്കാദമിക വര്ഷം തന്നെ തീരുമാനം നടപ്പാക്കണമെന്നാണ് ശുപാര്ശയില് പറയുന്നത്. ബഹ്റൈന് പൗരന്മാരായ അധ്യാപകരുടെയും ജീവനക്കാരുടെും ശമ്പളം ഭാഗികമായി തംകീന് പദ്ധതി വഴി സര്ക്കാര് സഹായത്തോടെ വിതരണം ചെയ്യണമെന്നും എംപിമാര് ആവശ്യപ്പെട്ടു.