പത്തനംതിട്ട : സംസ്ഥാന സര്ക്കാരിന്റെ നൂറുദിന കര്മ പരിപാടിയുടെ ഭാഗമായി നീരുറവ് നീര്ത്തട മാസ്റ്റര്പ്ലാന് പദ്ധതിയില് ഉള്പ്പെടുത്തിയ നീര്ച്ചാലുകളുടെ പുനരുജ്ജീവന പ്രവര്ത്തിയുടെ പഞ്ചായത്ത്തല ഉദ്ഘാടനം വെച്ചൂച്ചിറ ഗ്രാമപഞ്ചായത്ത് പ്രസിഡന്റ് ടി.കെ ജയിംസ് നിര്വഹിച്ചു. തദ്ദേശ സ്വയംഭരണ വകുപ്പ്, നവകേരളം കര്മ്മപദ്ധതി രണ്ട്, ഹരിത കേരളം മിഷന്, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി എന്നിവ സംയോജിതമായാണ് നീര്ത്തട മാസ്റ്റര് പ്ലാന് തയ്യാറാക്കിയത്. അടുത്ത അഞ്ച് വര്ഷത്തെ തൊഴിലുറപ്പ് പദ്ധതി പ്രവര്ത്തനങ്ങളില് ഗ്രാമപഞ്ചായത്തിലെ 15 വാര്ഡുകളുംഉള്പ്പെടുത്തും.
ഏഴ് നീര്ത്തടങ്ങളിലായി തയ്യാറാക്കിയ പദ്ധതി പ്രകാരമാണ് പ്രവര്ത്തനം നടത്തുക. ആദ്യഘട്ടത്തില് തൊഴിലുറപ്പ് പദ്ധതിയിലൂടെ എല്ലാ നീര്ച്ചാലുകളും പുനരുജ്ജീവിപ്പിക്കുന്നതിനായി പ്രവര്ത്തികള് ആരംഭിക്കും. ഇതിനായുള്ള നടപടികള് സ്വീകരിക്കുവാന് തൊഴിലുറപ്പ് വിഭാഗത്തെ ചുമതലപ്പെടുത്തി.വിവിധ വകുപ്പുകളുടെ സംയോജിത സാധ്യതകള് പരമാവധി പ്രയോജനപ്പെടുത്തി മണ്ണും ജലവും സംരക്ഷിക്കുന്നതിനൊപ്പം മാലിന്യ സംസ്ക്കരണ പദ്ധതികളും വ്യക്തിഗത ആനൂകുല്യങ്ങളും നല്കി സാധരണക്കാരുടെ ഉപജീവനം മെച്ചപ്പെടുത്താന് പദ്ധതിയിലൂടെ സാധിക്കുമെന്ന് പ്രസിഡന്റ് പറഞ്ഞു.
ഗ്രാമ പഞ്ചായത്ത് വൈസ് പ്രസിഡന്റ് പൊന്നമ്മ ചാക്കോ ചടങ്ങില് അധ്യക്ഷത വഹിച്ചു. ഗ്രാമപഞ്ചായത്ത് ആരോഗ്യ വിദ്യഭ്യാസ സ്റ്റാന്ഡിംഗ് കമ്മിറ്റി ചേയര്പേഴ്സണ് രമ ദേവപാല്, വാര്ഡ് അംഗങ്ങളായ എം.ജെ ജിനു, ടി.കെ രാജന് , സിറിയക് തോമസ്, കെ.സി സ്കറിയ, തൊഴിലുറപ്പ് വിഭാഗം ജീവനക്കാര്, കുടുംബശ്രീ അംഗങ്ങള് എന്നിവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
