ചിറ്റൂര്: മില്മയുടെ മലബാര് മേഖല ഇന്ന് പാല് ശേഖരിക്കാത്തതിനെ തുടര്ന്ന് ക്ഷീര കര്ഷകര് പാല് ഒഴുക്കി കളഞ്ഞ് പ്രതിഷേധിച്ചു. കൊറോണ വൈറസ് ബാധയുമായി ബന്ധപ്പെട്ടാണ് തമിഴ്നാട്, കേരളം എന്നിവിടങ്ങളില് നിന്നുള്ള പാല് സംഭരണം താത്കാലികമായി നിര്ത്തിവെച്ചത്. തുടര്ന്നായിരുന്നു പ്രതിഷേധം. മലബാര് മേഖലയില് ഓരോ ദിവസവും മില്മ 6 ലക്ഷം ലിറ്റര് പാലാണ് സംഭരിക്കുന്നത്. മിച്ചം വരുന്ന പാലിന്റെ ചെറിയൊരളവ് മില്മ തിരുവനന്തപുരം യൂണിയന് വാങ്ങിയിരുന്നെങ്കിലും തിരുവനന്തപുരത്തും കനത്ത പ്രതിസന്ധി നിലനില്ക്കുകയാണ്. എന്നാല് ലോക്ഡൗണ് വന്നതോടെ വിപണനം 3 ലക്ഷം ലിറ്ററായി കുറഞ്ഞിരുന്നു. തമിഴ്നാട് മില്ക്ക് മാര്ക്കറ്റിങ് ഫെഡറേഷന് കേരളത്തില്നിന്നുള്ള പാല് എടുക്കില്ലെന്ന് അറിയിച്ചിട്ടുണ്ട്. നിലവിലെ പ്രതിസന്ധി ഇന്ന് വൈകുന്നേരത്തോടെ പരിഹരിക്കുമെന്ന് മന്ത്രി കെ.രാജു പറഞ്ഞു.
മില്മയുടെ മലബാര് മേഖല ഇന്ന് പാല് ശേഖരിക്കാത്തതിനെ തുടര്ന്ന് ക്ഷീര കര്ഷകര് പാല് ഒഴുക്കി കളഞ്ഞ് പ്രതിഷേധിച്ചു
RECENT NEWS
Advertisment