ന്യൂഡൽഹി: പടിഞ്ഞാറൻ ഡൽഹിയിലെ ഉത്തം നഗറിൽ പ്രവർത്തിച്ച് വന്ന പാൽ മോഷണ സംഘത്തെ പിടികൂടി ആന്റി നാർക്കോട്ടിക്സ് സ്ക്വാഡ്. മാർച്ച് 26ന് വൈറലായ ഒരു യൂടൂബ് വീഡിയോയാണ് മോഷണസംഘത്തെ പിടികൂടാൻ സഹായകരമായത്. പ്രതികളായ രണ്ടുപേരാണ് പിടിയിലായത്. പ്രത്യേക പോലീസ് സംഘത്തെ രൂപീകരിച്ചാണ് പ്രതികളെ വലയിലാക്കിയത്. പാൽ ഡെലിവറി പോയിന്റുകളിൽ നിന്നും പാലും പാൽഉത്പന്നങ്ങളും മോഷ്ടിക്കുന്ന സംഘം പ്രദേശത്ത് ആശങ്ക ഉയർത്തിയിരുന്നു. മുന്നൂറോളം സിസിടിവി ദൃശ്യങ്ങൾ പരിശോധിച്ചാണ് പ്രാദേശിക ഇന്റലിജൻസും പോലീസും പ്രതികളെ ട്രേസ് ചെയ്തത്.
രഹസ്യവിവരത്തിന്റെ അടിസ്ഥാനത്തിൽ ഏപ്രിൽ മൂന്നിന് വികാസ് നഗറിലെ ശിവ് നഗറിലുള്ള ക്രിസ്ത്യൻ പള്ളിക്ക് സമീപം ഇവരെ കുടുക്കാനുള്ള സംവിധാനങ്ങൾ പോലീസ് സജ്ജീകരിച്ചു. രൻഹോള നിവാസികളായ മോഹിത്ത് എന്ന പാതാ (27), ആയുഷ് മാൻ പാണ്ടേ എന്ന പണ്ഡിറ്റ് (19)എന്നിവരെയാണ് അറസ്റ്റ് ചെയ്തത്.
