28.2 C
Pathanāmthitta
Sunday, June 26, 2022 8:09 pm

മില്‍മ ഡയറി പ്ലാന്റിലേക്ക് ബി.ജെ.പിയുടെ പ്രതിഷേധ മാര്‍ച്ച് നാളെ

പത്തനംതിട്ട : മാമ്മൂട് മില്‍മ ഡയറി പ്ലാന്റിലേക്ക് ഗാര്‍ഹിക ശുദ്ധജല പദ്ധതിയില്‍ നിന്നും വെള്ളം നല്‍കുന്ന വള്ളിക്കോട് ഗ്രാമ പഞ്ചായത്തിന്റെ നടപടിയില്‍ പ്രതിഷേധിച്ചുകൊണ്ട് ബിജെപിയുടെ ജനകീയ പ്രക്ഷോഭം ഫെബ്രുവരി 27 ഞായറാഴ്ച മില്‍മ പ്ലാന്റിന് മുമ്പില്‍. ജനകീയ പ്രക്ഷോഭം ബി ജെ പി പത്തനംതിട്ട ജില്ല പ്രസിഡന്റ്‌ സൂരജ് വെണ്‍മേലില്‍ ഉദ്ഘാടനം ചെയ്യും. ബി ജെ പി പത്തനംതിട്ട ജില്ല വൈസ് പ്രസിഡന്റ്‌ ബിനുമോന്‍ ഉള്‍പ്പെടെയുള്ള ഭാരവാഹികള്‍ യോഗത്തില്‍ പങ്കെടുക്കും. വൈകിട്ട് 3:00 മണിക്ക് കുടമുക്ക് ശ്രീനാരായണ ക്ഷേത്രത്തിനു മുന്‍പില്‍ നിന്നും ആരംഭിക്കുന്ന പ്രതിഷേധ റാലി മില്‍മ ഡയറിക്ക് മുമ്പില്‍ അവസാനിക്കും

വ്യവസായ സ്ഥാപനമായ മില്‍മക്ക് ഗാര്‍ഹിക ശുദ്ധജല പദ്ധതിയില്‍ നിന്നും ജലം കൊടുക്കുവാന്‍ സ്ഥാപിച്ച പൈപ്പ് ലൈന്‍ നീക്കം ചെയ്യുക. വള്ളിക്കോട് ഗ്രാമ പഞ്ചായത്തിലെ കാലങ്ങളായിയുള്ള കുടിവെള്ള ക്ഷാമം പരിഹരിക്കുക. സര്‍വ്വകക്ഷി യോഗത്തിൽ എടുത്ത തീരുമാന പ്രകാരം നിയമനടപടികള്‍ സ്വീകരിക്കുക. മില്‍ക്ക് ആവശ്യമായ ജലലഭ്യത ഉറപ്പു വരുത്തുവാന്‍ പമ്പിംഗ് സ്റ്റേഷനില്‍ നിന്നും പ്രത്യേക പൈപ്പ് ലൈന്‍ സ്ഥാപിച്ചു ആവശ്യമായ നടപടികള്‍ കൈക്കൊള്ളുക എന്നീ ആവശ്യങ്ങള്‍ ഉന്നയിച്ചാണ് സമരം.

 

 

- Advertisment -
- Advertisment -
Advertisment
- Advertisment -

Most Popular