ഹൈദരാബാദ് : ആന്ധ്രാപ്രദേശ് വ്യവസായ - ഐടി വകുപ്പു മന്ത്രി എം.ഗൗതം റെഡ്ഡി (50) അന്തരിച്ചു. ഹൃദയാഘാതമാണ് മരണകാരണം. വൈ.എസ് ജഗന്‍മോഹന്‍ മന്ത്രിസഭയിലെ വ്യവസായ – ഐടി വകുപ്പുകളുടെ ചുമതലയാണ് ഗൗതം റെഡ്ഡി നിര്‍വഹിച്ചിരുന്നത്. നെല്ലൂര്‍ ജില്ലയിലെ അത്മകുര്‍ മണ്ഡലത്തില്‍ നിന്നാണ് അദ്ദേഹം നിയമസഭയിലേക്ക് തെരഞ്ഞെടുക്കപ്പെട്ടത്. ഈ മണ്ഡലത്തില്‍ നിന്നും രണ്ടുതവണ അദ്ദേഹം എംഎല്‍എ ആയിട്ടുണ്ട്. ഗൗതം റെഡ്ഡിയുടെ പിതാവ് രാജാമോഹന്‍ റെഡ്ഡി നാല് പ്രാവശ്യം പാര്‍ലമെന്റ് അംഗമായിരുന്നു.
