പത്തനംതിട്ട : മഴക്കെടുതിമൂലം ആരംഭിച്ച ദുരിതാശ്വാസ ക്യാമ്പുകളില് ഒരു തരത്തിലുള്ള കുറവുകളും വരുന്നില്ലെന്ന് ഉറപ്പു വരുത്തുമെന്ന് റവന്യു മന്ത്രി കെ.രാജന് പറഞ്ഞു. പത്തനംതിട്ട ജില്ലയിലെ ദുരിതാശ്വാസ ക്യാമ്പുകള് ആരോഗ്യമന്ത്രി വീണാ ജോര്ജിനൊപ്പം സന്ദര്ശിച്ച ശേഷം സംസാരിക്കുകയായിരുന്നു മന്ത്രി.
എല്ലാ ക്യാമ്പുകളിലും ആരോഗ്യ പ്രവര്ത്തകര് ഉണ്ടെന്ന് ഉറപ്പു വരുത്തും. റവന്യു വകുപ്പിലേയും പഞ്ചായത്ത് വകുപ്പിലേയും ഉദ്യോഗസ്ഥര് മികച്ച പ്രവര്ത്തനമാണ് നടത്തിവരുന്നത്. തദ്ദേശസ്ഥാപനങ്ങളിലെ ജനപ്രതിനിധികളുടെ നേതൃത്വത്തില് തദ്ദേശ സ്വയംഭരണ സ്ഥാപനങ്ങള് മികച്ച പ്രവര്ത്തനമാണ് നടത്തി വരുന്നത്. പമ്പ ഡാം തുറക്കേണ്ട സാഹചര്യം നിലനില്ക്കുന്നതിനാല് ജില്ലയില് കൂടുതല് ക്യാമ്പുകള് സജ്ജമാക്കുമെന്നും മന്ത്രി പറഞ്ഞു.
