കോഴിക്കോട് : കൂളിമാട് പാലത്തിന്റെ നിര്മാണ വീഴ്ച വിശദീകരിച്ച് മന്ത്രി പിഎ മുഹമ്മദ് റിയാസ്. ഉദ്യോഗസ്ഥ മേല്നോട്ടം ഇല്ലാതെയാണ് പണി നടന്നത്. ജാക്കിയ്ക്ക് പ്രശ്നം ഉണ്ടായിരുന്നു. ബീമുകള് ചരിഞ്ഞപ്പോള് മുന്കരുതലെടുത്തില്ല. ഇത് വ്യക്തമാക്കുന്ന എന് ഐ ടിയുടെ റിപ്പോര്ട്ട് കിട്ടിയെന്നും റിയാസ് പറഞ്ഞു. നിര്മാണ പ്രവര്ത്തനങ്ങള് നടക്കുന്ന സ്ഥലങ്ങളില് മിന്നല് പരിശോധന നടത്തുമെന്നും മന്ത്രി മുഹമ്മദ് റിയാസ് പറഞ്ഞു. എന് ഐ ടിയുടെ റിപ്പോര്ട്ടിന്റെ അടിസ്ഥാനത്തില് ഉദ്യോഗസ്ഥരോട് വിശദീകരണം തേടുമെന്നും മന്ത്രി പറഞ്ഞു.
