നെടുമ്പാശേരി : പാസ്പോര്ട്ടില് കൃത്രിമം കാണിച്ച് കൊച്ചി വിമാനത്താവളം വഴി വിദേശത്തേക്കു പോകാന് ശ്രമിച്ച ഏഴു സ്ത്രീകള് പിടിയില്. തമിഴ്നാട്ടുകാരികളായ സ്ത്രീകളെയാണ് എമിഗ്രേഷന് വിഭാഗം പിടികൂടിയത്. ഇവര് ദുബായ് വഴി കുവൈറ്റിലേക്കു പോകാനാണ് വിമാനത്താവളത്തില് എത്തിയത്. ദുര്ഗ മാധവന്, ഫാത്തിമ സൈദ്, കാമാക്ഷി വെങ്കിടേശ്വരന്, ജയകൃഷ്ണ പാര്വതി, കാളിയമ്മാള് ഹരികൃഷ്ണ, കാളി അമ്മാള് ഗോവിന്ദരാജ്, ഹംസി സമ്പത്ത് എന്നിവരാണ് പിടിയിലായത്. പാസ്പോര്ട്ടിന്റെ ഏതാനും പേജുകള് കീറിമാറ്റി കൃത്രിമമായി ഉണ്ടാക്കിയ പേജുകള് വച്ചിരുന്നു. ഇവരെ നെടുമ്പാശേരി പോലീസിന് കൈമാറി. ഇന്ന് കോടതിയില് ഹാജരാക്കും.
