പത്തനംതിട്ട : കിഫ്ബിയെ ദുര്ബലപ്പെടുത്തി നാടിന്റെ വികസനത്തിന് തുരങ്കം വെയ്ക്കുന്ന ബാഹ്യശക്തികളെ കേരളം ഒറ്റക്കെട്ടായി നിന്ന് ചെറുക്കുമെന്ന് പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് പറഞ്ഞു. ഏഴംകുളം – കൈപ്പട്ടൂര് റോഡിന്റെ നിര്മാണ ഉദ്ഘാടനം നിര്വഹിച്ച് സംസാരിക്കുകയായിരുന്നു മന്ത്രി. കടുത്ത സാമ്പത്തിക പ്രതിസന്ധി നേരിടുമ്പോള് ബജറ്റ് തുക കൊണ്ട് മാത്രം വികസനം യാഥാര്ഥ്യമാകാതെ വരുന്ന സമയത്ത് പരിഹാരമായാണ് കിഫ്ബി പ്രവര്ത്തിക്കുന്നത്.
പൊതുമരാമത്ത് വകുപ്പ് വികസനപ്രവര്ത്തനങ്ങള് മികച്ച രീതിയിലാണ് കിഫ്ബിയിലൂടെ പൂര്ത്തിയാക്കിക്കൊണ്ടിരിക്കുന്നത്. കോന്നി, അടൂര് മണ്ഡലങ്ങളെ ബന്ധിപ്പിക്കുന്ന ഏഴംകുളം-കൈപ്പട്ടൂര് റോഡ് സംസ്ഥാന സര്ക്കാരിന്റെ രണ്ടാം വാര്ഷികസമ്മാനമായി ജനങ്ങള് ഏറ്റെടുത്തിരിക്കുകയാണ്. ഡെപ്യൂട്ടി സ്പീക്കറും അടൂര് എംഎല്എയുമായ ചിറ്റയം ഗോപകുമാറിന്റേയും കോന്നി എംഎല്എ അഡ്വ. കെ.യു. ജനീഷ് കുമാറിന്റേയും ശ്രമഫലമായാണ് ഈ റോഡ് നിര്മാണം സാക്ഷാത്ക്കരിച്ചത്. 10.208 കിലോമീറ്റര് നീളത്തിലാണ് ഈ റോഡ് നിര്മിക്കുന്നത്. ബിഎം, ബിസി നിലവാരത്തില് നിര്മിക്കുന്ന ഈ റോഡില് മഴവെള്ളം ഒഴുകിപ്പോകുന്നതിനുള്ള ഓട സംവിധാനവുമുണ്ടാകും.
പത്തനംതിട്ട ജില്ലയുടെ സമഗ്രവികസനത്തിന് ഈ റോഡ് വലിയ പങ്ക് വഹിക്കും. പ്രത്യേകിച്ച് ശബരിമല തീര്ഥാടന കാലത്ത് തിരുവനന്തപുരം, കൊല്ലം ജില്ലകളിലെ തീര്ഥാടകര്ക്ക് വേഗത്തില് പത്തനംതിട്ട ടൗണില് ഈ റോഡിലൂടെ എത്തിച്ചേരാന് സാധിക്കും. ശബരിമല തീര്ഥാടനം റോഡുകളെ കുറിച്ച് ഒരു പരാതിയുമില്ലാതെ മികച്ച രീതിയില് പൂര്ത്തിയാക്കാന് സാധിച്ചു. തീര്ഥാടനം ആരംഭിക്കുന്നതിന് മാസങ്ങള്ക്ക് മുന്പേ അതിനായുള്ള ശ്രമങ്ങള് തുടങ്ങിയിരുന്നു. എംഎല്എമാര്ക്കൊപ്പം സഞ്ചരിച്ച് റോഡ് പരിശോധിച്ചു.
പൂര്ത്തിയാകാനുള്ള റോഡുകള് ഉദ്യോഗസ്ഥന്മാര് ജില്ലയില് ക്യാമ്പ് ചെയ്ത് സമയബന്ധിതമായി പൂര്ത്തിയാക്കി. അഞ്ച് വര്ഷം കൊണ്ട് 100 പാലങ്ങള് പൂര്ത്തീകരിക്കുകയെന്നതാണ് സര്ക്കാര് ലക്ഷ്യം വെയ്ക്കുന്നത്. സംസ്ഥാന സര്ക്കാര് രണ്ട് വര്ഷം പൂര്ത്തിയാക്കുമ്പോള് മികച്ച വികസനം നടന്ന ജില്ലയാണ് പത്തനംതിട്ടയെന്നും എല്ലാ വിഭാഗം ജനങ്ങളേയും യോജിപ്പിച്ച് മുന്നോട്ട് പോകുകയെന്നതാണ് സര്ക്കാരിന്റെ ലക്ഷ്യമെന്നും മന്ത്രി പറഞ്ഞു.
ജനങ്ങളുടെ ആവശ്യങ്ങള് മനസിലാക്കി ദിശാബോധത്തോടെയാണ് സംസ്ഥാന സര്ക്കാര് പ്രവര്ത്തിക്കുന്നതെന്ന് ചടങ്ങില് അധ്യക്ഷത വഹിച്ച് സംസാരിച്ച നിയമസഭ ഡെപ്യുട്ടി സ്പീക്കര് ചിറ്റയം ഗോപകുമാര് പറഞ്ഞു. ഏറെ നാളത്തെ നാടിന്റെ സ്വപ്നമാണ് ഏഴംകുളം -കൈപ്പട്ടൂര് റോഡ്. പതിനാല് ജില്ലകളിലും ഭരണപ്രതിപക്ഷ വ്യത്യാസമില്ലാതെ വികസനം സാധ്യമാക്കി. റോഡുകളും പാലങ്ങളും സുരക്ഷിതമായി പൂര്ത്തിയാക്കി വരുന്നു. അടൂര് മണ്ഡലത്തില് ഭൂരിപക്ഷം റോഡുകളും ബിഎം, ബിസി നിലവാരത്തില് നിര്മാണം പൂര്ത്തിയാക്കി.
ഒരുപാട് ആശങ്കകളും പരാതികളും നിലനിന്ന റോഡാണ് ഏഴംകുളം -കൈപ്പട്ടൂര് റോഡ്. റോഡ് നിര്മാണം പൂര്ത്തിയായ ശേഷം റോഡ് കുഴിക്കുന്നത് ഒഴിവാക്കാന് എല്ലാ പ്രവര്ത്തികളും നടത്തിയ ശേഷമായിരിക്കും റോഡ് നിര്മാണം ആരംഭിക്കുക. ഈ റോഡ് സാധ്യമാകുന്നതോടെ നാടിന്റെ പുരോഗതിക്ക് ആക്കം കൂട്ടുമെന്നും പൊതുമരാമത്ത് വകുപ്പ് മന്ത്രിയുടെ നേതൃത്വത്തില് മികച്ച രീതിയിലാണ് വകുപ്പിന്റെ പ്രവര്ത്തനങ്ങള് നടത്തി വരുന്നതെന്നും ഡെപ്യൂട്ടി സ്പീക്കര് പറഞ്ഞു.
ഉന്നത നിലവാരത്തില് ഏഴംകുളം-കൈപ്പട്ടൂര് റോഡ് പൂര്ത്തിയാക്കുകയെന്ന പൊതുജനങ്ങളുടെ ഏറെ നാളത്തെ ആഗ്രഹമാണ് സഫലമാകാന് പോകുന്നതെന്ന് മുഖ്യാതിഥിയായിരുന്ന അഡ്വ. കെ.യു. ജനീഷ്കുമാര് എംഎല്എ പറഞ്ഞു. ഏറ്റവും കൂടുതല് പഴക്കമുള്ള റോഡാണിതെന്നും സമയബന്ധിതമായി എത്രയും വേഗത്തില് ഇത് പൂര്ത്തിയാക്കുമെന്നും എംഎല്എ പറഞ്ഞു.
കൊടുമണ് ഗ്രാമപഞ്ചായത്ത് പ്രസിഡന്റ് കെ.കെ. ശ്രീധരന്, പറക്കോട് ബ്ലോക്ക് പഞ്ചായത്ത് പ്രസിഡന്റ് ആര്. തുളസീധരന് പിള്ള, ഏഴംകുളം ഗ്രാമപഞ്ചായത്ത് പ്രസിഡന്റ് വി.എസ്. ആശ, വള്ളിക്കോട് ഗ്രാമപഞ്ചായത്ത് പ്രസിഡന്റ് ആര്. മോഹനന്നായര്, ജില്ലാ പഞ്ചായത്തംഗം ബീന പ്രഭ, ഏഴംകുളം ഗ്രാമപഞ്ചായത്ത് വൈസ് പ്രസിഡന്റ് ആര്.ജയന്, വള്ളിക്കോട് ഗ്രാമപഞ്ചായത്ത് വൈസ് പ്രസിഡന്റ് സോജി. പി. ജോണ്, ബ്ലോക്ക് പഞ്ചായത്ത് അംഗങ്ങളായ അഡ്വ. ആര്. രാജീവ് കുമാര്, കുഞ്ഞന്നാമ്മകുഞ്ഞ്, സിപിഐഎം ജില്ലാ സെക്രട്ടറി കെ.പി. ഉദയഭാനു, സിപിഐ ജില്ലാ സെക്രട്ടറി എ.പി. ജയന്, ചെറിയാന് പോളച്ചിറക്കല്(കേരളകോണ്ഗ്രസ്എം), വിക്ടര് ടി തോമസ്(കേരളകോണ്ഗ്രസ്), രാജന് സുലൈമാന്(ഐഎന്എല്), കേരള റോഡ് ഫണ്ട് ബോര്ഡ് എക്സിക്യൂട്ടീവ് എന്ജിനീയര് എം. ബിന്ദു, അസിസ്റ്റന്റ് എക്സിക്യൂട്ടീവ് എന്ജിനീയര് എസ്. ഹാരിസ് തുടങ്ങിയവര് പങ്കെടുത്തു.
കിഫ്ബിയില് നിന്നും 41.18 കോടി രൂപയുടെ സാമ്പത്തിക അനുമതി ലഭിച്ച പദ്ധതി കേരളാ റോഡ് ഫണ്ട് ബോര്ഡിന്റെ ചുമതലയിലാണ് നിര്മാണം നടത്തുന്നത്. അടൂര്, കോന്നി നിയോജകമണ്ഡലങ്ങളിലെ ജനങ്ങള്ക്ക് പ്രയോജനം ലഭിക്കുന്നതാണ് ഈ റോഡ്. കായംകുളം – പുനലൂര് സംസ്ഥാന പാതയില് നിന്ന് ആരംഭിച്ച് അടൂര്-പത്തനംതിട്ട ദേശീയ പാതയില് ചേരുന്നതാണ് ഈ റോഡ്. ചന്ദനപ്പള്ളി ദേവാലയങ്ങള്, ചിലന്തിയമ്പലം, കൊടുമണ് ഇന്ഡോര് സ്റ്റേഡിയം എന്നിവിടങ്ങളിലേക്ക് പോകുന്നവര്ക്ക് ഈ റോഡ് പ്രയോജനകരമാണ്.
അടൂര്, കോന്നി താലൂക്കുകളില് ഉള്പ്പെട്ട ഈ റോഡ് എംസി റോഡിനും എന്എച്ചിനും സമാന്തരമായി ഏഴംകുളം, കൊടുമണ്, വള്ളിക്കോട് എന്നീ പഞ്ചായത്തുകളിലൂടെ കടന്നു പോകുന്നു. ഈ റോഡ് പൂര്ത്തിയാകുന്നതോടെ ഈ മേഖലയുടെ സമഗ്രവികസനം സാധ്യമാകും. കൂടാതെ ശബരിമല തീര്ഥാടകര്ക്കും ഏറ്റവും പ്രയോജനകരമായി ഇതു മാറും. 10.208 കി.മി നീളമുള്ള റോഡിന്റെ മൊത്തം വീതി 12 മീറ്ററാണ്. ഒന്പതു മീറ്റര് വീതിയില് ബിഎം ആന്ഡ് ബിസി ആധുനിക നിലവാരത്തിലാണ് നിര്മാണം.
റോഡ് ദീര്ഘകാലം നിലനില്ക്കുന്നതിന് ആവശ്യമായ ഓടകള്, കലുങ്കുകള്, സംരക്ഷണ ഭിത്തികള്, കിഫ്ബി നിലവാരത്തിലേക്ക് ഉയര്ത്തുന്നതിന് ആവശ്യമായ എല്ലാ ഘടകങ്ങളും റോഡ് നിര്മാണത്തില് ഉള്പ്പെടുത്തിയിട്ടുണ്ട്. കനാല് പാലം വീതി കൂട്ടി നിര്മിക്കും. എല്ലാ റോഡ് സുരക്ഷാ മാര്ഗങ്ങളും അവലംബിക്കും. 12 മാസമാണ് നിര്മാണ കാലാവധി. രാജി മാത്യു ആന്ഡ് കമ്പനിക്കാണ് നിര്മാണ ചുമതല.
ന്യുസ് ചാനലില് വാര്ത്താ അവതാരകരെ ഉടന് ആവശ്യമുണ്ട്
—————————————–
Eastindia Broadcasting Pvt. Ltd. ന്റെ പത്തനംതിട്ട സ്റ്റുഡിയോയിലേക്ക് Program Coordinater, Anchors(F) എന്നിവരെ ഉടന് ആവശ്യമുണ്ട്. താല്പ്പര്യമുള്ളവര് ഫോട്ടോ സഹിതമുള്ള വിശദമായ ബയോഡാറ്റ അയക്കുക. വിലാസം [email protected]. അപേക്ഷ ലഭിക്കേണ്ട അവസാന തീയതി 2023 ഏപ്രില് 10 . കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പറുകളില് ബന്ധപ്പെടാം.
————
PROGRAM COORDINATER (M/F)
ഏതെങ്കിലും ഓണ്ലൈന് ന്യുസ് ചാനലില് (മലയാളം) വീഡിയോ പ്രൊഡക്ഷന് രംഗത്ത് കുറഞ്ഞത് 3 വര്ഷത്തെ പ്രവര്ത്തിപരിചയം ഉള്ളവര്ക്ക് അപേക്ഷിക്കാം. പ്രായപരിധി 60 വയസ്സ്. കുറഞ്ഞ വിദ്യാഭ്യാസ യോഗ്യത – ജേര്ണലിസം ബിരുദം. ഫെയിസ് ബുക്ക്, യു ട്യുബ് എന്നിവയെക്കുറിച്ച് വ്യക്തമായ അറിവ് ഉണ്ടായിരിക്കണം. സ്ക്രിപ്റ്റ് തയ്യാറാക്കുകയും വീഡിയോ പ്ലാറ്റ്ഫോം പൂര്ണ്ണമായി കൈകാര്യം ചെയ്യുകയും വേണം. പത്തനംതിട്ടയിലെ കോര്പ്പറേറ്റ് ഓഫീസില് ആയിരിക്കും നിയമനം. ശമ്പളം തുടക്കത്തില് പ്രതിമാസം 20000 രൂപ ലഭിക്കും.
——————
ANCHORS (F)
ഏതെങ്കിലും ഓണ്ലൈന് ന്യുസ് ചാനലില് (മലയാളം) വാര്ത്താ അവതാരികയായി കുറഞ്ഞത് 2 വര്ഷത്തെ പരിചയം. പ്രായപരിധി 32 വയസ്സ്. കുറഞ്ഞ വിദ്യാഭ്യാസ യോഗ്യത – ജേര്ണലിസം ബിരുദം. സ്വയം സ്ക്രിപ്റ്റ് തയ്യാറാക്കുകയും അവതരിപ്പിക്കുകയും വേണം. പത്തനംതിട്ടയിലെ കോര്പ്പറേറ്റ് ഓഫീസില് ആയിരിക്കും നിയമനം. ശമ്പളം തുടക്കത്തില് പ്രതിമാസം 15000 രൂപ ലഭിക്കും.
