പാലക്കാട് : കൃഷി മന്ത്രി പി.പ്രസാദുമായി ചര്ച്ച ചെയ്തതിന്റെ അടിസ്ഥാനത്തില് കര്ഷകര്ക്കുള്ള സൗജന്യ വൈദ്യുതി സംബന്ധിച്ച പുതിയ സംവിധാനം പുനരാലോചിച്ച ശേഷമേ നടപ്പാക്കുകയുള്ളൂവെന്ന് കൃഷി വകുപ്പ് മന്ത്രി അറിയിച്ചതായി വൈദ്യുതി വകുപ്പ് മന്ത്രി കെ.കൃഷ്ണന്കുട്ടി അറിയിച്ചു. അഞ്ചേക്കറില് താഴെയുള്ള കര്ഷകര്ക്ക് സൗജന്യമായി വൈദ്യുതി അനുവദിക്കുകയും പ്രസ്തുത തുക കൃഷിവകുപ്പ് അടക്കുകയും ചെയ്തിരുന്ന നിലവിലുണ്ടായിരുന്ന രീതിയില് നിന്ന് വ്യത്യസ്തമായി പ്രസ്തുത കര്ഷകരെ സമിതികളായി തിരിച്ച് ഈ സമിതികള് മുഖേന രണ്ടു മാസത്തെ വൈദ്യുതി തുക മുന്കൂറായി നല്കുന്ന പുതിയ രീതിയാണ് പുനരാലോചിച്ച് നടപ്പാക്കാന് തീരുമാനിച്ചത്. ഇതുമായി ബന്ധപ്പെട്ട ഉത്തരവ് ഡിസംബറിലാണ് പുറത്തിറങ്ങിയത്.
