തിരുവനന്തപുരം : മന്ത്രിയുടെ ഫോട്ടോ മോര്ഫ് ചെയ്ത സംഭവത്തില് പ്രതി അറസ്റ്റില്. ചലച്ചിത്ര നടനൊപ്പം മന്ത്രി വി.ശിവന്കുട്ടി നില്ക്കുന്ന ഫോട്ടോ മോര്ഫ് ചെയ്ത്, പുരാവസ്തു തട്ടിപ്പു കേസില് അറസ്റ്റിലായ മോന്സന്റെ ഒപ്പമുള്ളതാക്കി ചിത്രീകരിച്ചു പ്രചരിപ്പിച്ച കേസിലാണ് അറസ്റ്റ്.
പാലക്കാട് കണ്ണാടി കാഴ്ചപ്പറമ്പ് ഉപാസനയില് പ്രതീഷ് കുമാറി (49) നെയാണു തിരുവനന്തപുരം സിറ്റി സൈബര് പോലീസ് അറസ്റ്റ് ചെയ്തത്. താന് ഇതു സംബന്ധിച്ച് ഡിജിപിക്കു പരാതി നല്കിയെന്നും പിന്നില് ചില രാഷ്ട്രീയ താല്പര്യങ്ങള് ഉണ്ടെന്നും ശിവന്കുട്ടി പറഞ്ഞിരുന്നു.
മന്ത്രിയുടെ ഫെയ്സ്ബുക്ക് പേജില് നിന്നെടുത്ത ഫോട്ടോയാണ് മോര്ഫ് ചെയ്ത് പ്രചരിപ്പിച്ചത്. കേസിലെ രണ്ടാം പ്രതി എറണാകുളം സ്വദേശി ഷീബ രാജേന്ദ്രനെയും പോലീസ് തിരിച്ചറിഞ്ഞിട്ടുണ്ട്. ഈ ഫോട്ടോ മോര്ഫ് ചെയ്ത് മോന്സന് മാവുങ്കലിനൊപ്പം നില്ക്കുന്നു എന്ന തരത്തിലാണ് പ്രചരിപ്പിക്കുന്നത്. ഷീബ രാമചന്ദ്രന് എന്ന പേരിലുള്ള അക്കൗണ്ടില് നിന്നും കൊണ്ടോട്ടി പച്ചപ്പട എന്ന പേരിലും ചിത്രങ്ങള് പ്രചരിക്കുന്നുണ്ട്.
