കണ്ണൂര് : കാറില് ചാരി നിന്നതിന് ആറു വയസുകാരനെ ചവിട്ടി വീഴ്ത്തിയ തലശ്ശേരി സ്വദേശി മുഹമ്മദ് ഷിനാദിന്റെ ലൈസന്സ് റദ്ദാക്കും.എന്ഫോഴ്സ്മെന്റ് ആര്ടിഒയുടേതാണ് നടപടി. ലൈസന്സ് റദ്ദാക്കാതിരിക്കാന് കാരണമുണ്ടെങ്കില് നേരിട്ട് ഹാജരായി ബോധിപ്പിക്കാന് മുഹമ്മദ് ഷിഹാദിന് നോട്ടീസ് നല്കി. എന്ഫോഴ്സ്മെന്റ് ആര്ടിഒ എ സി ഷീബയാണ് കുട്ടിക്കെതിരായ അതിക്രമ കേസിലെ പ്രതിക്കെതിരെ നടപടിക്ക് നിര്ദ്ദേശം നല്കിയത്.
കഴിഞ്ഞ ദിവസമാണ് തന്റെ കാറില് ചവിട്ടിയെന്നാരോപിച്ചാണ് മുഹമ്മദ് ഷിനാദ് രാജസ്ഥാന് സ്വദേശികളായ നാടോടി കുടുംബത്തിലെ ആറ് വയസുകാരനായ ഗണേഷ് എന്ന കുഞ്ഞിനെ ചവിട്ടിത്തെറിപ്പിച്ചത്. പ്രതി നടത്തിയത് കുറ്റകരമായ നരഹത്യാ ശ്രമമാണെന്നാണ് പോലീസ് റിമാന്ഡ് റിപ്പോര്ട്ടിലുള്ളത്. തലശ്ശേരി ഫസ്റ്റ് ക്ലാസ് മജിസ്ട്രേറ്റ് കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ് ചെയ്തു.
