കിളിമാനൂര് : വിവാഹ വാഗ്ദാനം നല്കി പത്താം ക്ലാസുകാരിയെ പീഡിപ്പിച്ച തമിഴ്നാട് സ്വദേശി അറസ്റ്റില്. തമിഴ്നാട് കന്യാകുമാരി ജില്ലയില് വിളവങ്കോട് സ്വദേശിയായ വിഷ്ണുവാണ് (24) പിടിയിലായത്. കിളിമാനൂര് പോലീസ് സ്റ്റേഷന് പരിധിയിലാണ് സംഭവം. ഓണ്ലൈന് ക്ലാസിനായി പെണ്കുട്ടിക്ക് രക്ഷാകര്ത്താക്കള് ഫോണ് വാങ്ങിനല്കിയിരുന്നു. ഇതിലെ വാട്സ്ആപ് ഗ്രൂപ് വഴി പെണ്കുട്ടി യുവാവുമായി പരിചയത്തിലായത്. തുടര്ന്ന് ഇയാള് പെണ്കുട്ടിയുടെ വീട്ടിലെത്തിയ പ്രതി വിവാഹ വാഗ്ദാനം നല്കി പീഡിപ്പിക്കുകയുമായിരുന്നു.
പ്രതിയുടെ സ്വഭാവത്തില് സംശയം തോന്നിയ പെണ്കുട്ടി സംഭവം രക്ഷാകര്ത്താക്കളോട് പറയുകയും തുടര്ന്ന് രക്ഷിതാക്കള് പോലീസില് പരാതിപെടുകയുമായിരുന്നു. റൂറല് ജില്ല പോലീസ് മേധാവി ഡോ.ദിവ്യ വി. ഗോപിനാഥിന്റെ നിര്ദേശപ്രകാരം ആറ്റിങ്ങല് ഡി.വൈ.എസ്.പി സുനീഷ് ബാബുവിന്റെ മേല്നോട്ടത്തില് കിളിമാനൂര് ഐ.എസ്.എച്ച്.ഒ എസ്.സനൂജിന്റെ നേതൃത്വത്തില് എസ്.ഐ വിജിത്ത് കെ നായര്, എ.എസ്.ഐ ഷാജിം, സി.പി.ഒ മാരായ രഞ്ജിത്ത് രാജ്, മഹേഷ്, പ്രദീപ്, പ്രിയ, സജ്ന എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
