കോട്ടയം : പ്രായപൂര്‍ത്തിയാകാത്ത പെണ്‍കുട്ടിയെയും യുവാവിനെയും സംശയാസ്പദമായ സാഹചര്യത്തില്‍ സെമിത്തേരിയില്‍ കണ്ടെത്തി. ചൊവ്വാഴ്ച രാവിലെ 7.30 ന് കോട്ടയത്തിന് സമീപത്തെ പാമ്പാടി പ്രദേശത്തുള്ള പള്ളിയുടെ സെമിത്തേരിയിലാണ് ഇരുവരെയും കണ്ടെത്തിയത്. പെണ്‍കുട്ടി സ്കൂള്‍ യൂണിഫോമിലായിരുന്നു.
ഇരുവരും സെമിത്തേരിയില്‍ ഏറെ നേരം ചെലവഴിക്കുന്നതു ശ്രദ്ധയില്‍പ്പെട്ട പ്രദേശവാസികള്‍ പള്ളി അധികൃതരെ വിവരമറിയിക്കുകയായിരുന്നു. തുടര്‍ന്ന് പള്ളി അധികൃതരും നാട്ടുകാരും സംഘടിച്ചെത്തി ഇവരോട് വിവരങ്ങള്‍ ചോദിച്ചു. ഇതോടെയാണ് പെണ്‍കുട്ടി പാമ്പാടിക്ക് സമീപ പ്രദേശത്തുള്ള സ്കൂളിലെ 10 -ാം ക്ലാസ് വിദ്യാര്‍ഥിയാണെന്ന് വ്യക്തമായത്. തുടര്‍ന്ന് നാട്ടുകാര്‍ ഇടപെട്ട് ഇരുവരെയും സെമിത്തേരിയില്‍ നിന്നും പറഞ്ഞുവിടുകയായിരുന്നു. എപ്പോഴാണ് ഇവര്‍ സെമിത്തേരയില്‍ എത്തിയതെന്ന് വ്യക്തമല്ല.
